July 9, 2018
ជួយបោះឆ្នោតគាំទ្រអេប-ប្រវត្តិសាស្រ្តខ្មែរក្រហម
មជ្ឈមណ្ឌលបុប្ជាណា កំពុងបង្ហាញគម្រោងមួយដែលមានឈ្មោះថា «អេប-ប្រវត្តិសាស្រ្តខ្មែរក្រហម» ហើយពួកយើងត្រូវការអ្នកទាំងអស់គ្នា ជួយគាំទ្រដើម្បីអាចបន្តដំណើរការនៃគម្រោងនេះទៅមុខទៀត។ សូមចុច ទីនេះ ដើម្បីចូលទៅកាន់ទំព័រថ្មីមួយទៀត រួចចុចពាក្យថា “Click to vote for this project” នៅខាងស្ដាំដៃលោកអ្នក។ សូមចែករំលែកគម្រោងនេះជាមួយមិត្តភក្តិ និងក្រុមគ្រួសាររបស់លោកអ្នក។
គោលដៅនៃគម្រោងគឺ៖
១. ដើម្បីអប់រំយុវជន អំពីប្រវត្តិសាស្ត្រខ្មែរក្រហម តាមរយៈការប្រើប្រាស់កម្មវិធីប្រព័ន្ធផ្សព្វផ្សាយចម្រុះបែបច្នៃ ប្រឌិតមួយ ដែលមានបញ្ចូលព័ត៌មានសុក្រឹត និងមានស្តង់ដាមួយ ដោយទទួលបានការត្រួតពិនិត្យ ផ្តល់សុពលភាពដោយអ្នកជំនាញកម្ពុជា និងអន្តរជាតិ ក៏ដូចជាដើម្បីលើកកម្ពស់ការយល់ដឹងអំពីយុត្តិធម៌ សិទ្ធិមនុស្ស និងសន្តិភាព ដោយបង្កើតឲ្យមានការសន្ទនាឆ្លងជំនាន់ រវាងអ្នករស់រានមានជីវិតពីរបបខ្មែរក្រហម និងយុវជន។ នៅក្នុងនោះក៏មានគោលបំណងចំនួនបី ដែលកំពុងអនុវត្តនាពេលបច្ចុប្បន្ន៖
១. បង្កើតកម្មវិធីប្រព័ន្ធផ្សព្វផ្សាយចម្រុះបែបអប់រំ ដែលមានគុណភាព និងមានភាពច្នៃប្រឌិត
២. អប់រំយុវជនកម្ពុជាអំពីប្រវត្តិសាស្ត្រខ្មែរក្រហម ដោយប្រើប្រាស់កម្មវិធីបង្កើតឡើងនេះ
៣. បង្កើនការប្រើប្រាស់កម្មវិធីរៀនសូត្រនេះឲ្យបានជាអតិបរមា នៅកម្រិតជាតិ និងកម្រិតអន្តរជាតិ
អរគុណចំពោះការគាំទ្រ
ពីក្រុមការងារងមជ្ឈមណ្ឌលបុប្ជាណា
