រំឭក

រំឭក ជាកម្មវិធីសហការដោយមជ្ឈមណ្ឌលធនធាន​សោតទស្សន៍​បុប្ផាណា និង អង្គការ​សិល្បៈ​ខ្មែរ​អមតៈ ដែល​នាំ​មក​ជូន​ដោយ មហោ​ស្រព​រដូវ​កាល​សិល្បៈ​ខ្មែរ (Season of Cambodia)។ស្ថាប័ន​​សិល្បៈ​​ពីរ ​ដែល​​នាំ​​មុខ​​គេ​​នៅ​​ក្នុង​​ទី​​ក្រុង​​ភ្នំពេញ​​ បាន​សហ​ការ​​គ្នា​​ក្នុង​​គោល​បំណង​​រៀប​​ចំ​​កម្ម​​វិធី​​មនុស្ស​​ធម៌​ ដែល​​នឹង​​បង្កើត​​ជា​​ការ​​ត្រិះ​​រិះ​​ស្វែង​​យល់​​ពី​​ខួប​​ទី​​៤០​ឆ្នាំ​ នៃ​​ការ​​ដួល​​រលំ​ក្រុង​​ភ្នំពេញ​​ចូល​​ក្នុង​​ដៃ​​ខ្មែរ​ក្រហម។ កម្ម​វិធី​ រំឭក ដែល​ចាប់​ផ្តើម​ពី​ថ្ងៃ​ពុធ ទី០៨ ខែ​មេសា ឆ្នាំ​២០១៥ រហូត​​ដល់​​ពាក់​កណ្តាល​ខែ​វិច្ឆិកា ឆ្នាំ​​២០១៥​ ដោយ​​មាន​​ព្រឹត្តិ​ការណ៍​​បើក​​កម្ម​វិធី​ ដែល​​ប្រព្រឹត្ត​ក្នុង​​ទី​ក្រុង​​ភ្នំពេញ នៅ​​មជ្ឈ​មណ្ឌល​ធន​ធាន​សោត​ទស្សន៍​បុប្ផាណា។