កម្មវិធីពិភាក្សាអំពីរូបថត
វាគ្មិន លោក គឹម ហាក់ និងសម្របសម្រួលដោយ លោក លឹម សុខចាន់លីណា
ថ្ងៃសុក្រ ទី៤ ខែ វិច្ឆិកា ឆ្នាំ ២០១៦ ម៉ោង៦ល្ងាច
នេះជាកម្មវិធីពិភាក្សាទីមួយ ដែលផ្តោតសំខាន់ទៅលើរូបថត។ លោក គឹម ហាក់ ជាអ្នកថតរូបអាជីព មានស្រុកកំណើតនៅខេត្តបាត់ដំបង។ គាត់ផ្តោតសំខាន់ទៅលើរឿងរ៉ាវរបស់ជនរងគ្រោះ ពិធីបុណ្យសពរបស់សម្តេចសីហនុ និងឯកសារស្ថាបត្យកម្ម។ ស្នាដៃរបស់គាត់ ត្រូវបានគេដាក់បង្ហាញនៅក្នុងកម្មវិធីសិល្បៈ និងមហោស្រពរូបថតនៅទីក្រុង វីកតូរីយ៉ា, ប៉ារីស, លីល, ន័រទីងហាម, ប្រាទីស្លាវ៉ា, សាំងហ្គាពួរ, បាងកក, យាំងហ្គូន, ភ្នំពេញ និងខេត្តសៀមរាប។ ស្នាដៃថតរូបរបស់គាត់ផ្សេងទៀត ក៏ត្រូវបានគេតាំងពិព័រណ៍នៅអូស្ត្រាលី, បារាំង, ចក្រភពអង់គ្លេស, ហូឡង់, ស្លូវ៉ាគី, សហរដ្ឋអាមេរិក, កាណាដា, ហុងកុង, សាំងហ្គាពួរ, ថៃ, ភូមា និងកម្ពុជាផងដែរ។
នៅក្នុងឆ្នាំ ២០១១ គាត់ទទួលបានពានរង្វាន់ Residency Program ពីសារមន្ទីរ Quai Branly នៅទីក្រុងប៉ារីស និងពានរង្វាន់លេខ២ នៅក្នុងកម្មវិធី Steam Photo Asia នៅទីក្រុងបាងកក។ នៅក្នុងឆ្នាំ ២០១២ គាត់ត្រូវបានគេចាត់តាំងជាសិល្បករល្អបំផុតនៅក្នុងកម្មវិធី Best Of Phnom Penh របស់ទស្សនាវដ្ដី The Advisor ដែលជាទស្សនាវដ្ដីកម្ពុជាផ្នែកសិល្បៈកម្សាន្ត។
ទស្សនាដោយសេរី