ការប្រកួតភាពយន្តខ្លី#ហេតុអ្វីត្រូវបញ្ឈប់
ខ្សែភាពយន្តខ្លីចំនួន១៦រឿង ដែលជាស្នាដៃដឹកនាំរបស់សមិទ្ធិករភាពយន្តកម្ពុជាវ័យក្មេង ហេតុអ្វីត្រូវបញ្ឈប់ការបៀតបៀនផ្លូវភេទ! ៦៧នាទី ភាសាខ្មែរ និងមានអក្សរអង់គ្លេសរត់ពីក្រោម
ការប្រកួតភាពយន្តខ្លី #ហេតុអ្វីត្រូវបញ្ឈប់ គឺជាគំនិតផ្ដួចផ្ដើមរបស់អង្គការឃែរកម្ពុជា ដើម្បីធ្វើឲ្យយុវវ័យកម្ពុជានិយាយពីការបៀតបៀនផ្លូវភេទ និងផលប៉ះពាល់របស់វាទៅលើស្ត្រីភេទ។ មនុស្សច្រើនជាង១ ០០០នាក់អាយុពី១៥ ទៅ២៩ឆ្នាំ បានចូលរួមចំណែកនៅក្នុងការផលិតភាពយន្ត ហើយខ្សែភាពយន្តជាប់វគ្គផ្ដាច់ព្រ័ត្រចំនួន១៦ ត្រូវបានដាក់បញ្ចាំងជូនភ្ញៀវកិត្តិយស នៅក្នុងកម្មវិធីប្រគល់ពានរង្វាន់ ដើម្បីអបអរយុទ្ធនាការ១៦ថ្ងៃ ដើម្បីបញ្ឈប់អំពើហិង្សាលើស្ត្រី។ ពេលនេះ លោកអ្នកមានឱកាសបានទស្សនាខ្សែភាពយន្តខ្លីទាំង១៦ រួមជាមួយនឹងពិធីប្រគល់រង្វាន់ដល់ភាពយន្ត ដែលទទួលបានការពេញចិត្តពីទស្សនិកជន ដែលបានបោះឆ្នោតនៅលើទំព័រ Facebook។
ចូលទស្សនាដោយគិតថ្លៃ!