កែប : ភាពយន្ត និងរូបថតអនុស្សាវរីយ៍
ចាប់ពីថ្ងៃទី ៧ ខែកុម្ភៈ ដល់ថ្ងៃទី ១៩ ខែមេសា ឆ្នាំ២០១៨
បើកពិព័រណ៍ ថ្ងៃទី ៧ កុម្ភៈ ម៉ោង ៦:៣០នាទីល្ងាច
ក្រោមភាពជាដៃគូជាមួយសមាគមវីម៉ាណា មជ្ឈមណ្ឌលធនធានសោតទស្សន៍បុប្ផាណានាំមកជូននូវដំណើរទស្សនាចរដ៏ស្រស់ស្អាតមួយឆ្លងកាត់សម័យកាលឆ្នាំ១៩៦០នៅកម្ពុជា ជាពិសេសនៅទីក្រុងឆ្នេរសមុទ្រកែប។ ខ្សែភាពយន្ត រូបថត ទស្សនាវដ្ដីអំពីទីក្រុងកែប ដូចជាទស្សនាវដ្ដីកម្ពុជា ឬ «កម្ពុជាថ្ងៃនេះ» ដែលបង្ហាញពីប្រវត្តិសាស្ត្រសម័យទំនើប គ្រប់គ្នាតែងហៅថា «យុគសម័យមាស» នឹងត្រូវដាក់ពិព័រណ៍។ តំបន់ឆ្នេរដ៏ស្រស់ស្អាតរបស់កម្ពុជានេះ គឺជាទីកន្លែងថតខ្សែភាពយន្តដ៏វិសេសវិសាលរបស់សម្ដេចនរោត្តម សីហនុ។ ឧទាហរណ៍ដ៏ល្អមួយនោះគឺខ្សែភាពយន្ត «រស់ដោយសប្បាយ» (១៩៦៩) ដែលនឹងត្រូវចាក់បញ្ចាំងផងដែរអំឡុងពេលនៃពិព័រណ៍។ បច្ចុប្បន្ន ទីក្រុងកែបនៅតែជាទិសដៅវិស្សមកាលរបស់ប្រជាជនកម្ពុជា និងបរទេស។
មជ្ឈមណ្ឌលបុប្ផាណានឹងដាក់បង្ហាញរូបថតកម្រៗពីតំបន់ឆ្នេរសមុទ្រនេះ ។ តាំងពីមុនរហូតដល់ឥឡូវសមិទ្ធិករភាពយន្ត អ្នកថតរូបអាជីព និងអ្នកថតរូបកម្សាន្ត នៅតែជាប់ចិត្តនឹងទីកន្លែងនេះ។ ពិព័រណ៍នេះនឹងប្រព្រឹត្តទៅក្នុងខែកុម្ភៈ២០១៨។
ទស្សនាដោយសេរី