ក្នុងវេលាដែលនឹងមកដល់

ដោយ តាន់ ពីនពីន ៦៣នាទី ២០១៧ ភាពយន្តគ

ភាពយន្ត «ក្នុងវេលា​ដែល​នឹង​មក​ដល់» តាម​ដាន​លើ​ពិធី​ជីក​គាស់​ប្រអប់​ពេល​វេលា​មួយ ​និង​ការ​រៀប​ចំ​ដាក់​កប់​នូវ​ប្រអប់​ពេល​វេលាថ្មី​មួយ​ទៀត​របស់​រដ្ឋាភិបាល​សិង្ហបុរី។ ខណៈ​ដែល​បំណែក​វត្ថុ​នៃ​ជីវិត​ប្លែកៗតាំង​ពី ២៥ឆ្នាំ​មុន​កំពុង​លាត​ត្រដាង វត្ថុ​នៃ​ជីវភាព​រស់​នៅ​បច្ចុប្បន្ន​ត្រូវ​បាន​ជ្រើស​រើស និង​រៀប​ដោយ​ប្រុង​ប្រយ័ត្ន សម្រាប់​ផ្ញើ​ទុក​ដល់​អ្នក​ជំនាន់​ក្រោយ។ ខ្សែ​ភាព​យន្ត​នេះ រួម​បញ្ចូល​ផង​ដែរ​នូវ​រូបភាព​នៃ​ពេល​វេលា​មួយ​ចំនួន​ ដែល​យើង​កម្រ​គិត​ថា​ចង់​អភិរក្ស ដូចជា​ចន្លោះ​នាទី​ប្រចាំ​ថ្ងៃ​ ដែល​យើង​រង់ចាំ​អ្វី​មួយ​នឹង​កើត​ឡើង​ ថត​នៅ​តាម​កន្លែង​ក្នុង​ក្រុង​នានា ក៏​ដូច​ជា​ក្នុង​ព្រៃ និង​សង្កាត់​ស្នាក់​នៅ​របស់​​ប្រជាជន​​អួអាប់​ទៅ​ដោយ​ផ្សែង។

តាន់ ពីនពីន កត់ត្រានូវ​ចន្លោះ​​ប្រហោង​​នៃ​​ប្រវត្តិ​សាស្ត្រ ការ​​ចង​​ចាំ និង​​ឯក​​សារ។ ខ្សែ​​ភាព​​យន្ត របស់​​គាត់​​សិក្សា​​ពី​​ដំណើរ​​ការ​​នៃ​​ការ​​ពិនិត្យ​​ខ្សែ​​ភាពយន្ត​​ខ្លួន​​ឯង​ ដោយ​​បង្ហាញ​​ពី​​ភាព​​ស្មុគ​​ស្មាញ​​នៃ​​ឥទ្ធិពល អារម្មណ៍ និង​ភាព​ដ៏​ច្បាស់​នៃ​រូបភាព។ ខ្សែ​ភាពយន្ត​របស់​គាត់​ធ្លាប់​បាន​បញ្ចាំង​នៅ​មហោស្រព​អន្តរជាតិ​ធំៗ និង​ទទួល​បាន​ពាន​រង្វាន់​ជា​ច្រើន​ផង​ដែរ។

រៀបចំដោយ គម្រោង​សិល្បៈ​ស-ស និង​សហការ​ជា​ដៃ​គូ​ជាមួយ​បុប្ផាណា
កន្លែងមានកំណត់ សូមកក់កន្លែងតាមរយៈ chanlita.eng@bophana.org/ 011 550 590

ទស្សនាដោយសេរី

avatar
  • November 6, 2017 · 6:00 pm
  • Bophana Center
  • Special Screening