ជំរំជនភៀសខ្លួនខ្មែរនៅព្រំដែនថៃ
ពីថ្ងៃ ទី២ ខែធ្នូ ដល់ថ្ងៃ ទី១៦ ខែមករា
រូបថតដោយស្ទេហ្វាន អេលីស៍
“ពីដំបូងឡើយ ខ្ញុំទៅប្រទេសថៃដើម្បីការសិក្សាផ្នែកសារព័ត៌មានរបស់ខ្ញុំ។ ខ្ញុំទៅថៃគឺគ្រាន់តែចង់ធ្វើការសិក្សាស៊ីជម្រៅពីស្ថានភាពនៅក្នុងជំរំជនភៀសខ្លួនខ្មែរ នៅតាមបណ្ដោយព្រំដែនខ្មែរ-ថៃតែប៉ុណ្ណោះ។ ប៉ុន្តែសម្រេចសម្រួលទៅ ខ្លួនខ្ញុំបែរជាធ្លាក់ក្នុងស្ថានភាពមួយស្មានមិនដល់។”
អំពីអ្នកថតរូប៖
ស្ទេហ្វាន អេលីស៍ គឺជាអ្នកថតរូបឯករាជ្យសម្រាប់សារព័ត៌មាន កើតនៅឆ្នាំ១៩៦៥ នៅទីក្រុងវ៉ាស៊ីនតោន ហើយទទួលមរណភាពនៅឆ្នាំ១៩៩៦។ លោកធ្វើការនៅអាស៊ីអាគ្នេយ៍ រុស្សី និងអ៊ីស្រាអែល។ លោកធ្លាប់ធ្វើជាអ្នកកែគុណភាពរូបថត សម្រាប់ទីភ្នាក់ងារសារព័ត៌មានបារាំងនៅហុងកុង ហើយនៅឆ្នាំ១៩៩១ លោកបានមកបើក ការិយាល័យឲ្យទីភ្នាក់ងារនេះនៅទីក្រុងភ្នំពេញ។ មជ្ឈមណ្ឌលបុប្ផាណា បានទទួលរូបថត ដែលលោកបានថតទាក់ទងនឹងប្រទេសកម្ពុជា ពីក្រុមគ្រួសាររបស់លោក។ ពិព័រណ៍នេះគឺរៀបចំឡើង ដោយមជ្ឈមណ្ឌលបុប្ផាណា ដើម្បីរម្លឹកដល់ការងារលោកសម្រាប់ការចងចាំ។
ទស្សនាដោយសេរី