កិច្ចពិភាក្សា «ទស្សនៈ និងហេតុផលរបស់ខ្មែរក្រហមចំពោះ អាពាហ៍ពិពាហ៍»
និយាយជាភាសាខ្មែរ និងបកប្រែជាភាសាអង់គ្លេស
ខ្មែរក្រហមបានបង្ហាញនូវទស្សនៈមួយចំនួន ទាក់ទងនឹងការរៀបការតាំងពីខែកុម្ភៈ ឆ្នាំ១៩៧៤ មកម្ល៉េះ តាមរយៈការបោះពុម្ពផ្សាយរបស់ខ្លួន ក្នុងទស្សនាវដ្តីយុវជន យុវនារី បដិវត្ត។ ក្រោយពេលកាន់អំណាច ខ្មែរក្រហមបានដាក់ចេញនូវទំរង់នៃការរៀបការថ្មីមួយ ហើយពិធីរៀបការក៏ត្រូវបានផ្លាស់ប្តូរទាំងស្រុងដែរ។ ពិធីរៀបការត្រូវបានរៀបចំឡើងជាច្រើនគូ ក្នុងពេលតែមួយ ហើយកាន់តែញឹកញាប់ទៅនៅឆ្នាំ១៩៧៨។
តើខ្មែរក្រហមមានទស្សនៈយ៉ាងណាចំពោះអាពាហ៍ពិពាហ៍ ដែលខ្មែរក្រហមហៅថា “កសាងគ្រួសារ” នោះ? តើហេតុអ្វីបានជាខ្មែរក្រហម រៀបចំអាពាហ៍ពិពាហ៍បែបនោះ? សូមអញ្ជើញចូលរួមកិច្ចពិភាក្សានេះទាំងអស់ ដើម្បីចែករំលែកចំណេះដឹង អមនឹងសំណួរចម្លើយជាមួយវាគ្មិន។
ចូលរួមដោយសេរី