ទិវាបេតិកភណ្ឌសោតទស្សន៍ពិភពលោក
បណ្ណសារស្ថិតក្នុងគ្រោះថ្នាក់ : ការនិទានរឿង រាមកេរ្តិ៍
នៅក្នុងឱកាសនៃទិវាបេតិកភណ្ឌសោតទស្សន៍ ពិភពលោករបស់អង្គការ
យូណេស្កូ មជ្ឈមណ្ឌលបុប្ផាណា មានសេចក្ដីសោមនស្ស រៀបចំព្រឹត្តិការណ៍
មួយជុំវិញ បណ្ណសាររឿង រាមកេរ្តិ៍។
ទាក់ទងនឹងប្រធានបទដែលបានលើកឡើងដោយអង្គការយូណេស្កូសម្រាប់
ឆ្នាំ ២០១៤ «បណ្ណសារស្ថិតក្នុងគ្រោះថ្នាក់» ព្រឹត្តិការណ៍នេះគឺ ផ្ដោតសំខាន់
ទៅលើបណ្ណសារ រឿង រាមកេរ្តិ៍ ដែលនិទានដោយតាគ្រុឌ ដែលជាផ្នែកមួយ
នៃបេតិកភណ្ឌសោតទស្សន៍ខ្មែរ និងត្រូវបានបញ្ចូលទៅក្នុងបញ្ជីការចងចាំ
របស់ពិភពលោករបស់អង្គការយូណេស្កូក្នុង ឆ្នាំ ២០១៤ នេះ។
ដើម្បីអបអរឱកាសនៃទិវាបេតិកភណ្ឌសោតទស្សន៍ពិភពលោក មជ្ឈមណ្ឌលបុប្ផាណាមានសេចក្តីសោមនស្សបញ្ចាំងភាពយន្តឯកសារ « របាំរឿងរាមកេរ្តិ៍មានចំណងផ្សារភ្ជាប់ជាមួយនឹងទេវតា»។ ឆ្លៀតក្នុងឱកាសនេះ មជ្ឈមណ្ឌលក៏បានអញ្ជើញកូនស្រីរបស់តាគ្រុឌឈ្មោះ គ្រុឌ មន ដើម្បីមកចូលរួមធ្វើការពិភាក្សាជាមួយសាធារណជនផងដែរ។ កម្មវិធីនេះនឹងបញ្ចប់ទៅ អមជាមួយការប្រគំតន្ត្រីរបស់ក្រុមភ្លេងប្រពៃណីខ្មែរ «អារក្ស»។
ព្រឹត្តិការណ៍នេះធ្វើឡើងជាដៃគូជាមួយ
ការិយាល័យអង្គការយូណេស្កូ នៅកម្ពុជា ។
ទស្សនាដោយឥតគិតថ្លៃ !
សូមស្វាគមន៍ទាំងអស់គ្នា !
