ប្រទេសកម្ពុជានាទសវត្សរ៍ឆ្នាំ ៦០
រក្សាសិទ្ធិដោយ លោក មៃឃើល វិចឃើរី
បទបង្ហាញដោយ Amema Saeju និង Sokphea Young
មៃឃើល វិចឃើរី ជាជនជាតិអាមេរិក។ លោកបានស្លាប់ដោយសារជំងឺបេះដូង កាលពីថ្ងៃទី ២៩ ខែមិថុនា ឆ្នាំ ២០១៧ នៅត្រឹមអាយុ ៨៦ ឆ្នាំ នៅឯខេត្តបាត់ដំបង។ លោកមិនមែនជាអ្នកជំនាញថតរូបទេ ក៏ប៉ុន្ដែលោកស្រឡាញ់ និងពេញចិត្ដក្នុងការស្រាវជ្រាវ រុករកប្រវត្ដិសាស្រ្ដនៅក្នុងប្រទេសកម្ពុជា។ លោកបានថតរូបលក្ខណៈ ស ខ្មៅ បង្ហាញអំពីជីវិតប្រចាំថ្ងៃ និងទំនៀមទម្លាប់ប្រពៃណីខ្មែរ នៅក្នុងទម្រង់រូបថតជាការ៉េ។ រាល់ឯកសារស្រាវជ្រាវទាំងអស់ គឺពោរពេញទៅដោយភាពទន់ភ្លន់ និងមនោសញ្ចេតនា ដែលវាជាអំណះអំណាង បង្ហាញពីទិដ្ឋភាពដ៏មានតម្លៃ នាអំឡុងទសវត្សរ៍នោះ។
រូបថតបែបប្រពៃណីជាច្រើន ជាពិសេសនៅតាមភូមិ និងតំបន់ដាច់ស្រយាល គឺត្រូវបានចងក្រងជាឯកសាររូបថត ដែលរូបទាំងនេះ បានភ្ជាប់នូវទំនាក់ទំនងជិតស្និទ្ធយ៉ាងខ្លាំង ជាមួយនឹងប្រជាជនទាំងនោះ ដែលលោកបានថត។
ជាការតំាងពិព័រណ៍លើកដំបូង កន្សោមរូបថតទាំងនេះ គឺជាផ្នែកមួយនៃអនុស្សាវរីយ៍ ដែលបានបន្សល់ទុកសម្រាប់ប្រទេសកម្ពុជា។
ចាប់ពីថ្ងៃទី ៥ តុលា ម៉ោង ៨ ព្រឹក ដល់ថ្ងៃទី ៥ វិច្ឆិកា ម៉ោង ៦ ល្ងាច
