រឿង ស្រ្តី គ្រួសារមួយ
បដិវត្តន៍វប្បធម៌ ថតដោយ ចូរីស អ៉ីុវែន និង ម៉ាស៊ែលលីន ឡូរីដានអ៉ីុវែន។ ខ្សែភាពយន្ត «ស្រ្តី គ្រួសារមួយ» រយៈពេល ១០៨នាទី ភាសាអង់គ្លេស។ រឿងនេះបង្ហាញអំពី ជីវិតប្រចាំថ្ងៃរបស់ស្ត្រីម្នាក់ ដែលជាកម្មករ និងជាអ្នកតំណាងឲ្យកម្មករ នៅក្នុងរោងចក្ររថភ្លើងមួយ ដែលនាងធ្វើការ។
ភាពយន្តនេះដែរ ក៏ជាផ្នែកមួយនៃស៊េរីភាពយន្តស្ដីអំពី ថ្ងៃចុងក្រោយនៃបដិវត្តន៍វប្បធម៌ចិន ដែលមានចំណងជើងថា «តើយូកុងចល័តភ្នំយ៉ាងដូចម្ដេច?»។ ភាពយន្តជាស៊េរីនេះ ត្រូវបានថតនៅចន្លោះឆ្នាំ១៩៧២ និង១៩៧៣ ដោយចូរីស អ៉ីុវែន និងម៉ាស៊ែលលីន ឡូរីដានអ៉ីុវែន។ ភាពយន្តជាស៊េរីនេះ មានរយៈពេលសរុប១២ម៉ោង ប៉ុន្តែមជ្ឈមណ្ឌលបុប្ផាណា នឹងនាំមកបង្ហាញភាគសំខាន់ៗមួយចំនួន នៅក្នុងខែកុម្ភៈនេះ។ នេះគឺជាកម្រងខ្សែភាពយន្តដ៏កម្របំផុត និងទទួលបានជោគជ័យបំផុតនៅឆ្នាំ១៩៧៦។ វាគឺជាសក្ខីកម្មតែមួយគត់ អំពីប្រទេសចិនរបស់ម៉ៅ សេទុង។
ទស្សនាដោយសេរី
