វាគ្មិន៖ ចាប សោមច័ន្ទរិទ្ធិ និង ជា សុខយូ សមិទ្ធិករភាពយន្តខ្មែរវ័យក្មេង
បញ្ចាំងខ្សែភាពយន្តខ្លីចំនួនពីរ៖
គ្រាប់ថ្មមួយក្តាប់
ដឹកនាំដោយ ចាប សោមច័ន្ទរិទ្ធ, ៧នាទី, ២០១៥, ភាសាខ្មែរ និងអក្សរអង់គ្លេសរត់ពីក្រោម
រឿង«គ្រាប់ថ្មមួយក្តាប់» ជាប់ជ័យលាភីលេខបី ក្នុងមហោស្រពភាពយន្តខ្លីអាស៊ីអាគ្នេយ៍ត្រូហ្វេស ២០១៥។ ភាពយន្តនេះនិយាយពីបុរសក្លាហានមិនស្គាល់ឈ្មោះម្នាក់ដែលបានជួយសង្គ្រោះកូនស្រីដ៏ស្រស់ស្អាតរបស់លោកមេភូមិពីក្រុមក្មេងទំនើង ដែលតែងតែបង្កការអុកឡុកក្នុងភូមិ ដោយអ្នកក្លាហានវ័យក្មេងនេះបានសម្លាប់ក្មេងទំនើងទាំងនោះជាមួយនឹងជំពាមកៅស៊ូ។
សេះហោះ
ដឹកនាំដោយជា សុខយូ, ៧នាទី, ២០១៤, ភាសាខ្មែរ និងអក្សរអង់គ្លេសរត់ពីក្រោម
រឿង«សេះហោះ» បានជាប់ជាជម្រើសភាពយន្តទាំង១៦ចុងក្រោយ ក្នុងចំណោមរឿង១១៥ចំណងជើង ដែលបានដាក់ប្រកួត ក្នុងមហោស្រពភាពយន្តខ្លីអាស៊ីអាគ្នេយ៍ត្រូហ្វេស ២០១៥។ រឿងនេះកើតឡើងនៅជនបទស្រុកស្រែក្នុងប្រទេសកម្ពុជា។ ក្មេងស្រីពីរនាក់បងប្អូនតែងតែនៅជាមួយគ្នា ហើយក្រោយមកត្រូវរស់នៅបែកគ្នា។ មុនពេលបែកគ្នា ពួកគេមានឱកាសចុងក្រោយ បានជិះសេះហោះជាមួយគ្នាយ៉ាងសប្បាយ។
ជជែកពិភាក្សាជាមួយសមិទ្ធិករភាពយន្តទាំងពីរជាភាសាខ្មែរ។
