កម្ពុជា មើលពីចំងាយ
ដោយលោក រីកាដូ កាសាល និងវិចិត្រករវ័យក្មេង ប្រាំពីរនាក់
ពិព័រណ័ចាប់ផ្ដើមពីថ្ងៃទី ១៨ សីហា ដល់ថ្ងៃទី ២៧ កញ្ញា
កម្មវិធីសម្ភោធពិព័រណ៍៖ ជួប ជជែកពិភាក្សា ជាមួយវិចិត្រករ និងស្រស់ស្រូបអាហារ នៅមជ្ឈមណ្ឌលបុប្ផាណាថ្ងៃសុក្រ ទី០៤ ខែកញ្ញា វេលាម៉ោង ៦ល្ងាច។
បន្ទាប់ពីធ្វើពិព័រណ៍នៅប្រទេសបារាំង អេស្បាញ ចិន និងអាមេរិករួចមក លោករីកាដូ កាសាល ដែលជាវិចិត្រករពនេចររូបនេះ បានបើកសិប្បសាលាមួយនៅទីក្រុងភ្នំពេញ នៅឆ្នាំ២០១២។ តាំងពីពេលនោះ លោកបន្តបង្កើតគំនិតច្នៃប្រឌិត ដោយដឹកនាំគម្រោងសិល្បៈនានា ជាមួយសិល្បករ និងដៃគូសហការណ៍ជាច្រើនរូបនៅក្នុងតំបន់។
ក្នុងឆ្នាំ ២០១២ លោកបានផ្ដួចផ្ដើមគម្រោងមួយ មានឈ្មោះថា «គម្រប់ខួបព្រះជន្មាយុ ៩០ព្រះវស្សា» ដើម្បីឧទិ្ទសដល់ព្រះវររាជបិតា ព្រះបាទនរោត្តមសីហនុ ដែលបង្កើតដោយសហការ ជាមួយក្រុមនិស្សិតនៃសាលាភូមិន្ទវិចិត្រសិល្បៈ និងមូលនិធិអនាគតខ្មែរ ដែលគាំទ្រគម្រោងរបស់លោក។
កម្ពុជា មើលពីចំងាយ៖
នេះជាពេលវេលាដ៏ល្អសម្រាប់លោក រីកាដូ កាសាល ក្នុងការបង្ហាញស្នាដៃលោកបានបង្កើត ក្នុងពេលលោកស្នាក់នៅប្រទេសកម្ពុជា។ ក្នុងឳកាសនេះដែរ និងដើម្បីគូសបញ្ជាក់ពីអានុភាពនៃគំនិតច្នៃប្រឌិតខ្មែរសម័យបច្ចុប្បន្ន លោកបានផ្ដល់ឱកាសឱ្យសិល្បករវ័យក្មេងខ្មែរទាំង៧រូបនេះ ចូលរួមនៅក្នុងគម្រោង «ការសម្លឹងមើលមកកាន់ប្រទេសកម្ពុជា» របស់លោក។
តាមរយៈមជ្ឈមណ្ឌលបុប្ផាណា ដែលក្នុងនាមជាមជ្ឈមណ្ឌលវប្បធម៌ ខ្មែរ-អន្ដរជាតិ គឺជាទីកន្លែងដ៏ល្អបំផុតសម្រាប់លោក រីកាដូ កាសាល និងសិល្បករវ័យក្មេងទាំង៧រូប ធ្វើការតាំងបង្ហាញស្នាដៃជូនដល់សាធារណជន ឱ្យធ្វើការសម្លឹងមើលមកកាន់ប្រទេសកម្ពុជា នៅក្នុងពិព័រណ៍រួមគ្នានេះ។
វិចិត្រករវ័យក្មេងទាំងអស់រួមមាន៖ អ៊ីម ពិសី សួ គីមសាន ធុន ឌីណា ញ៉ែម សុភាព សេង វិសាល ទេព ចន្ធី និង ម៉ម តុលា ជានិស្សិតទើបបញ្ចប់ការសិក្សាថ្នាក់បរិញ្ញាបត្រ ពីសាកលវិទ្យាល័យភូមិន្ទវិចិត្រសិល្បៈនៃទីក្រុងភ្នំពេញ។
គាំទ្រពិព័រណ៍ដោយ មូលនិធិអនាគតខ្មែរ
