អត្តសញ្ញាណជនជាតិចាម នៅក្នុងយុគសម័យសាកល៖ បទពិសោធន៍ជនជាតិចាម នៅកម្ពុជា
បាឋកថាដោយលោកបណ្ឌិត អេង កុកថាយ (ភាសាខ្មែរ) តួនាទី ៖ នាយកនៃវិទ្យាស្ថានកម្ពុជា ដើម្បីសន្តិភាព និងការអភិវឌ្ឍ
ក្នុងនាមជាអ្នកចំណូលស្រុកមកនៅកម្ពុជា និងជាជនរងគ្រោះដោយសារការប្រល័យពូជសាសន៍ ជនជាតិចាមត្រូវបានជាប់ពាក់ព័ន្ធនឹងភេរវកម្ម។ ភេរវកម្មគឺជាចំណុចកំពូលនៃបញ្ហាដែលជនជាតិចាមត្រូវប្រឈមមុខនៅក្នុងការព្យាយាមធ្វើឲ្យសហគមន៍ពួកគេរស់ឡើងវិញ និងកសាងអត្តសញ្ញាណរបស់ពួកគេឡើងវិញ។ មានមនុស្សតិចណាស់ដែលបានសិក្សាពីចាម។ តាមរយៈការសិក្សាពីប្រភពដើមរបស់ជនជាតិចាមនៅចម្ប៉ា ការមកដល់របស់ពួកគេនៅកម្ពុជា ការផ្លាស់ប្ដូរសាសនា ការចូលពាក់ព័ន្ធនឹងនយោបាយ ហើយនិងរចនាសម្ព័ន្ធសង្គម គឺយើងអាចយល់បានច្រើនពីស្នូលនៃអត្តសញ្ញាណរបស់ពួកគេជាចាម និងមូស្លីម ហើយថាតើពួកគេបានក្លាយជាជនជ្រុលនិយមឬយ៉ាងណា។
លោក អេង កុកថៃ ទទួលបានសញ្ញាប័ត្របណ្ឌិតផ្នែក Global Affairs នៅសាកលវិទ្យាល័យ Rugers នៅឆ្នាំ២០១២។ មុននឹងទៅ Rugers លោកបានទទួលសញ្ញាប័ត្រអនុបណ្ឌិត M.A នៅមហាវិទ្យាល័យ Coventry។ នៅឆ្នាំ២០០៧ លោកបានបញ្ចប់ថ្នាក់អនុបណ្ឌិត M.S ផ្នែក Global Affairs ដោយទទួលបានអាហារូបករណ៍ Fulbright Scholarship។ លោកធ្លាប់ជានាយកផ្នែកស្រាវជ្រាវ និងនាយករងនៃមជ្ឈមណ្ឌលឯកសារកម្ពុជា។ សព្វថ្ងៃលោកគឺជានាយកនៃវិទ្យាស្ថានកម្ពុជាដើម្បីសន្តិភាព និងការអភិវឌ្ឍ។ ការងារស្រាវជ្រាវរបស់លោកស្ដីពីបទពិសោធន៍របស់ជនជាតិចាមក្រោមរបបខ្មែរក្រហមត្រូវបានបោះពុម្ពផ្សាយនៅឆ្នាំ២០១៤។
សូមស្វាគមន៍ និងចូលរួមដោយសេរី!
