ភាពយន្តឯកសាររបស់ឆេមស៍ ៖ ជីវិតប្រជាជនខ្មែរ – Online
ផលិតដោយអង្គការឆេមស៍
១. ទឹកជាជីវិត
ផលិតដោយអង្គការឆេមស៍ ឆ្នាំ២០០៩ រយៈពេល ៣០ នាទី ភាសាខ្មែរ មានអក្សរអង់គ្លេសរត់ពីក្រោម
ទឹកគឺជាផ្នែកមួយដ៏សំខាន់នៃប្រព័ន្ធអេកូឡូស៊ី និងជីវចម្រុះ។ នៅប្រទេសកម្ពុជា ប្រជាជននៅជនបទភាគច្រើន ពុំមានទឹកប្រើប្រាស់ដែលប្រកបដោយអនាម័យទេ។ ជាពិសេសនៅរដូវប្រាំង ប្រជាជនកំពុងប្រឈមមុខនឹងវិបត្តិទឹកដែលបណ្ដាលមកពីមធ្យោបាយនៃការរៀបចំប្រព័ន្ធទឹកមិនបានត្រឹមត្រូវ។
២. ភាពថ្លៃថ្នូរពលរដ្ឋកម្ពុជា និងការប្ដេជ្ញារបស់កាកបាទក្រហមអាល្លឺម៉ង់
ផលិតដោយអង្គការឆេមស៍ ឆ្នាំ២០១៣ រយៈពេល ១៦ នាទី ភាសាខ្មែរ និងអង់គ្លេស
នៅប្រទេសកម្ពុជា កាកបាទក្រហមអាល្លឺម៉ង់បានធ្វើការជាដៃគូជាមួយកាកបាទក្រហមកម្ពុជាដើម្បីជួយដល់ប្រជាពលរដ្ឋដែលងាយរងគ្រោះ។ កាកបាទក្រហមអាល្លឺម៉ង់បានផ្ដល់ជំនួយយ៉ាងច្រើនដល់កាកបាទក្រហមកម្ពុជា ដើម្បីអនុវត្តសកម្មភាពនៅតាមសហគមន៍ឱ្យមានភាពរីកចម្រើន។ ជាក់ស្ដែង ប្រជាជនមួយចំនួនរស់នៅក្នុងខេត្តកំពង់ស្ពឺ កំពង់ឆ្នាំង ពោធិ៍សាត់ បានទទួលការផ្ដល់ជំនួយនូវបង្គន់ ទឹកស្អាត ព្រមទាំងអត្ថប្រយោជន៍ផ្សេងៗទៀត។