ភាពយន្តរបស់មណ្ឌលព័ត៌មានស្រ្ដីកម្ពុជា: ជីវិតស្ត្រីវ័យក្មេង – Online
ផលិតដោយមណ្ឌលព័ត៌មានស្រ្ដីកម្ពុជា ឆ្នាំ២០០៦ ភាសាខ្មែរ
១. ត្រើយស្រណោះ
ផលិតដោយមណ្ឌលព័ត៌មានស្ត្រីកម្ពុជា ឆ្នាំ២០០៦ រយៈពេល៣៤នាទី ភាសាខ្មែរ
“ត្រើយស្រណោះ” បង្ហាញពីជីវិតរបស់កម្មការិនីរោងចក្រកាត់ដេរនៅកម្ពុជា។ ដោយសារគ្រួសារខ្វះខាត ស្ត្រីវ័យក្មេងភាគច្រើនបានបោះបង់ចោលសាលារៀននៅជនបទមកធ្វើការនៅក្នុងរោងចក្រកាត់ដេរឯទីក្រុង ដោយមានចំណេះដឹងតិចតួច។ នួនបានជ្រុលខ្លួនដេកជាមួយមិត្តប្រុសនាងដែលជាកូនអ្នកមាននៅទីក្រុង ហើយនាងក៏បានឆ្លងមេរោគអេដស៍ដោយមិនដឹងខ្លួន។ អនាគតនាងបានប្រឡាក់ប្រឡូសទាំងវ័យក្មេង…។
២. ក្ដាមសក
ផលិតដោយមណ្ឌលព័ត៌មានស្ត្រីកម្ពុជា ឆ្នាំ២០០៦ រយៈពេល២១នាទី ភាសាខ្មែរ
ភាពយន្តនេះរៀបរាប់ពីជីវិតក្មេងស្រីម្នាក់ដោយប្រៀបធៀបទៅនឹងជីវិតរបស់ក្ដាមសក។ សិទ្ធីត្រូវបានគេចាប់រំលោភកាលនាងនៅពីក្មេង។ ឪពុកម្ដាយនាងមិនខ្វល់នឹងនាងឡើយ។ នាងបានឆ្លងកាត់បទពិសោធជីវិតល្វីងជូរចត់ដែលនាងមិនអាចបំភ្លេចបាន។ នៅទីបំផុត សិទ្ធីក៏បានសកចេញពីសម្បកចាស់របស់ខ្លួន…។