មជ្ឈមណ្ឌលធនធានសោតទស្សន៍បុប្ផាណា
August 30, 2019
ក្នុងខែកញ្ញា និងតុលានេះ យើងខ្ញុំសូមស្វាគមន៍លោកអ្នកមកកាន់ទីនេះ ដើម្បីរីករាយជាមួយនឹងព្រឹត្តិការណ៍វប្បធម៌របស់ពួកយើង ព្រមទាំងដៃគូផងដែរ។ ព្រឹត្តិការណ៍ទាំងនោះមានដូចជា ភាពយន្តថ្ងៃសៅរ៍, ក្លឹបភាពយន្ត (ការចែករំលែកបទពិសោធន៍ពីប្លង់ថត និងភាពយន្តឯកសារ), ពិព័រណ៍ស្នាដៃសិល្បៈ, ទិវាបេតិកភណ្ឌសោតទស្សន៍ពិភពលោក, និងមហោស្រពភាពយន្តខ្នាតខ្លីចតុមុខលើកទី ៨។
July 1, 2019
រីករាយខែថ្មីជាមួយនឹងព្រឹត្តិការណ៍វប្បធម៌ជាច្រើនដែលនឹងកើតឡើងជាបន្តបន្ទាប់នៅមជ្ឈមណ្ឌលបុប្ផាណា។ កម្មវិធីរួមមាន ភាពយន្តថ្ងៃសៅរ៍, ក្លឹបភាពយន្ត (អន្តរកម្មរវាងកំណាព្យ និងរូបភាព, ភាពយន្តខ្នាតខ្លី), ពិព័រណ៍រូបថត, បាឋកថាស្ដីពី «វិវត្តន៍អក្សរខ្មែរ», កិច្ចពិភាក្សាជុំវិញភាពយន្តរបស់លោក ប៉ាន់ រិទ្ធី និងការបញ្ចាំងភាពយន្តពិសេសរបស់លោក នាង កាវិច។ ចុចទាញយកកម្មវិធីរបស់យើងជា PDF ដើម្បីអានលម្អិត
June 4, 2019
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា សាលពិគ្រោះបណ្ណសារនៃមជ្ឈមណ្ឌលយើងខ្ញុំបានដំណើរការជាប្រក្រតីវិញហើយ ក្រោយពីមជ្ឈមណ្ឌលយើងខ្ញុំបានធ្វើការកែសម្រួលប្រព័ន្ធមូលដ្ឋានទិន្នន័យរួចរាល់។ ចំណែកឯកម្មវិធី “ភាពយន្តថ្ងៃសៅរ៍” វិញ យើងនឹងផ្លាស់ប្ដូរម៉ោងបញ្ចាំងទៅម៉ោង ៥ ល្ងាចដូចធម្មតាវិញ ចាប់ពីថ្ងៃសៅរ៍ ទី ៨ ខែមិថុនានេះតទៅ។
May 11, 2019
សូមស្វាគមន៍អស់លោកអ្នកមកកាន់មជ្ឈមណ្ឌលបុប្ផាណា! លោកអ្នកអាចចូលរួមដោយសេរីនូវព្រឹត្តិការណ៍វប្បធម៌នានាដែលនឹងកើតឡើងនៅក្នុងខែឧសភា និងមិថុនានេះ ដែលមានដូចជា ៖ ភាពយន្តថ្ងៃសៅរ៍ (ភាពយន្តឯកសារ និងប្រតិដ្ឋ) ក្លឹបភាពយន្ត (ភាពយន្តខ្នាតខ្លី) ពិព័រណ៍ស្នាដៃសិល្បៈ គំនូរ និងចម្លាក់ ពិធីសម្ពោធសៀវភៅ និងការបញ្ចាំងភាពយន្តពិសេសនៃគម្រោង «ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង»។
April 10, 2019
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា សាលពិគ្រោះបណ្ណសារនៃមជ្ឈមណ្ឌលបុប្ផាណាយើងខ្ញុំ នឹងផ្អាកដំណើរការមួយរយៈ រហូតដល់ចុងខែឧសភា ឆ្នាំ ២០១៩ ដោយសារមជ្ឈមណ្ឌលត្រូវកែសម្រួលប្រព័ន្ធមូលដ្ឋានទិន្នន័យ។ ដោយឡែក សម្រាប់បណ្ណាល័យសៀវភៅ សាលពិព័រណ៍នៅជាន់ផ្ទាល់ដី និងការបញ្ចាំងភាពយន្ត នៅដំណើរការជាធម្មតា។
March 22, 2019
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា កម្មវិធី «ភាពយន្តថ្ងៃសៅរ៍» ដែលជាកម្មវិធីបញ្ចាំងភាពយន្តប្រចាំសប្ដាហ៍ នឹងត្រូវផ្លាស់ប្ដូរម៉ោងចាក់បញ្ចាំង ពីម៉ោង ៥ ល្ងាច ទៅម៉ោង ៦ ល្ងាចវិញ ដោយសារបញ្ហាអគ្គិសនី។ អាស្រ័យហេតុនេះ សូមប្រិយមិត្តរបស់មជ្ឈមណ្ឌលបុប្ផាណាទាំងអស់មេត្តាជ្រាបជាព័ត៌មាន និងសូមជួយចែករំលែកព័ត៌មាននេះឲ្យបានគ្រប់ៗគ្នា។ សូមអរគុណ។
March 1, 2019
សូមរីករាយជាមួយនឹងព្រឹត្តិការណ៍វប្បធម៌ដ៏សំបូរបែបក្នុងរយៈពេល ២ ខែនេះ នៅឯមជ្ឈមណ្ឌលបុប្ផាណា។ កម្មវិធីពិសេសៗមានដូចជា ភាពយន្តថ្ងៃសៅរ៍ (ភាពយន្តប្រតិដ្ឋ និងភាពយន្តឯកសារ), ក្លឹបភាពយន្ត (ភាពយន្តបែបសិល្បៈ និងភាពយន្តខ្នាតខ្លី), មហោស្រពភាពយន្តអន្តរជាតិកម្ពុជាលើកទី ៩, ពិព័រណ៍គំនូរ «៤ ទសវត្សរ៍ក្រោយការដួលរលំនៃរបបខ្មែរក្រហម» របស់សិល្បករ សាំង ណាន និងពិព័រណ៍ខួបគម្រប់លេខទី ១០០ នៃទស្សនាវដ្ដីញញឹម។
February 1, 2019
វគ្គបណ្តុះបណ្តាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ របស់គម្រោង «ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី» ត្រូវបានផ្តួចផ្តើមគំនិត និងរៀបចំឡើងដោយសមាគមផលិតស្រាវជ្រាវតម្កល់ឯកសារសោតទស្សន៍ (មជ្ឈមណ្ឌលបុប្ផាណា)
December 29, 2018
សួស្ដីឆ្នាំថ្មី ២០១៩ ពីមជ្ឈមណ្ឌលបុប្ផាណា! នៅដើមឆ្នាំថ្មីនេះ លោកអ្នកអាចចូលរួមដោយសេរី ក្នុងព្រឹត្តិការណ៍វប្បធម៌ថ្មីៗយ៉ាងសំបូរបែប នៅឯមជ្ឈមណ្ឌលរបស់យើងផ្ទាល់ ដូចជា ភាពយន្តថ្ងៃសៅរ៍ (ភាពយន្តឯកសារ ភាពយន្តប្រតិដ្ឋ និងភាពយន្តខ្នាតខ្លី) ក្លឹបភាពយន្ត ការធ្វើបទបង្ហាញរបស់លោក កែវ ដួង ស្ដីពីការប្រឆាំងនឹងខ្មែរក្រហម និងបាឋកថារបស់លោក សុខ ឡាក់ ទាក់ទងនឹងការចូលរួមរបស់បណ្ណាល័យសម្រាប់ការអភិវឌ្ឍ។
November 5, 2018
ដោយទទួលបានការឧបត្ថម្ភពីកម្មវិធី VOICE តាមរយៈអង្គការអុកស្វាម (Oxfam in Cambodia) និងការឧបត្ថម្ភពីស្ថានទូតអូស្ត្រាលីប្រចាំនៅកម្ពុជា សមាគមផលិតស្រាវជ្រាវតម្កល់ឯកសារសោតទស្សន៍ (ARPAA) បានបង្កើតគម្រោងមួយដែលមានឈ្មោះថា «ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយដែលមាននវភាព» សម្រាប់រយៈពេល ២៤ (ម្ភៃបួន) ខែ។