មជ្ឈមណ្ឌលធនធានសោតទស្សន៍បុប្ផាណា
October 25, 2018
មានព្រឹត្តិការណ៍អ្វីប្លែកនៅបុប្ផាណា សម្រាប់ចុងឆ្នាំនេះ?
នេះជាកម្មវិធីថ្មីរបស់មជ្ឈមណ្ឌលបុប្ផាណា សម្រាប់ខែវិច្ឆិកា-ធ្នូ ២០១៨ នេះ។ សូមរីករាយជាមួយនឹងព្រឹត្តិការណ៍វប្បធម៌ថ្មីៗជាច្រើន នៅឯមជ្ឈមណ្ឌលរបស់យើង ដែលក្នុងនោះរួមមាន ភាពយន្តថ្ងៃសៅរ៍, ក្លឹបភាពយន្ត, ព្រមទាំងការធ្វើបទបង្ហាញស្ដីអំពី «ព្រះពុទ្ធសាសនានិកាយវជ្រយាននៅប្រទេសកម្ពុជាសម័យបុរាណ» ដោយលោក សួន សុភ័ក្ត្រា។ ចុចទាញយកកម្មវិធីរបស់យើងទីនេះ!
October 24, 2018
ទិវាបេតិកភណ្ឌសោតទស្សន៍ពិភពលោក នៃអង្គការយូណេស្កូ ឆ្នាំ ២០១៨
ការបើកដំណើរការពិព័រណ៍ Online «ផ្ទេរ ២០១៨» និងការបញ្ចាំងភាពយន្ត ដើម្បីចូលរួមអបអរសាទរទិវាបេតិកភណ្ឌសោតទស្សន៍ពិភពលោក ឆ្នាំ ២០១៨ ក្រោមប្រធានបទ «រឿងរបស់អ្នកមានចលនា» មជ្ឈមណ្ឌលធនធានសោតទស្សន៍បុប្ផាណា នឹងធ្វើការបញ្ចាំងជូននូវខ្សែភាពយន្តថ្មីចុងក្រោយបង្អស់របស់លោក រិទ្ធី ប៉ាន់ នោះគឺរឿង «ផ្នូរគ្មានឈ្មោះ»
October 4, 2018
«ផ្នូរគ្មានឈ្មោះ» នឹងចាក់បញ្ចាំង ២ សប្ដាហ៍បន្ថែមទៀត!
តើលោកអ្នកខកខានមិនបានទស្សនារឿង «ផ្នូរគ្មានឈ្មោះ» ដែលជាស្នាដៃភាពយន្តថ្មីរបស់់លោក រិទ្ធី ប៉ាន់ មែនទេ? ពេលនេះ ឱកាសថ្មីរបស់លោកអ្នកបានមកដល់ហើយ។ ភាពយន្តរឿង «ផ្នូរគ្មានឈ្មោះ» នឹងចាក់បញ្ចាំងរយៈពេល ២ សប្ដាហ៍បន្ថែមទៀត ដោយចាប់ផ្ដើមពីថ្ងៃទី ១១ ខែតុលា រហូតដល់ថ្ងៃទី ២៧ ខែតុលា នៅរោងភាពយន្ត ប៉ារីសអេដិន ក្នុងមជ្ឈមណ្ឌលបុប្ផាណា តែមួយគត់។ ភាពយន្តនេះ និយាយជាភាសាខ្មែរ (មានផ្នែកខ្លះ និយាយជាភាសាបារាំង) មានអក្សរអង់គ្លេសរត់ពីក្រោម រយៈពេល ១១៥ នាទី។
September 12, 2018
«ផ្នូរគ្មានឈ្មោះ» ចាប់បញ្ចាំងនៅកម្ពុជាហើយ!
«ផ្នូរគ្មានឈ្មោះ» ភាពយន្តថ្មីមួយទៀតរបស់លោក រិទ្ធី ប៉ាន់ បន្ទាប់ពីរឿង «កង្វះរូបភាព» (បេក្ខភាពពានរង្វាន់អូស្ការ ឆ្នាំ ២០១៤) និងរឿង «ភៀសខ្លួន» នឹងចាក់បញ្ចាំងចាប់ពីថ្ងៃទី ១៥ ខែកញ្ញា នេះតទៅ នៅរោងភាពយន្ត ប៉ារីសអេដិន ក្នុងមជ្ឈមណ្ឌលបុប្ផាណា។ ក្រៅពីនេះ លោកអ្នកក៏អាចទស្សនាភាពយន្តនេះបានផងដែរ នៅឯវិទ្យាស្ថានបារាំង ព្រមទាំងនៅរោងភាពយន្តជាច្រើនទៀត ក្នុងរាជធានីភ្នំពេញ និងខេត្តសៀមរាប។ ភាពយន្តនេះ និយាយជាភាសាខ្មែរ (មានផ្នែកខ្លះ និយាយជាភាសាបារាំង) មានអក្សរអង់គ្លេសរត់ពីក្រោម រយៈពេល ១១៥ នាទី។
August 27, 2018
ទាញយកកម្មវិធីរបស់យើង សម្រាប់ខែកញ្ញា-តុលា ២០១៨!
មជ្ឈមណ្ឌលបុប្ផាណា មានកិត្តិយសសូមបង្ហាញជូនលោកអ្នក នូវកម្មវិធីថ្មីរបស់យើង សម្រាប់ខែកញ្ញា-តុលា ២០១៨ នេះ ដែលមាននូវព្រឹត្តិការណ៍វប្បធម៌ផ្សេងៗយ៉ាងសំបូរបែប ដូចជា ៖ ភាពយន្តថ្ងៃសៅរ៍, ក្លឹបភាពយន្ត, ការបញ្ចាំងភាពយន្តពិសេស ក្នុងព្រឹត្តិការណ៍ «រដូវកាលវប្បធម៌», ក៏ដូចជាពិព័រណ៍ផងដែរ ក្នុងនោះរួមមាន ពិព័រណ៍ «ភាសាជាឧបសគ្គមួយ» ដោយ ស៊ីវ សេរី និង «ប្រទេសកម្ពុជានាទសវត្សរ៍ឆ្នាំ ៦០» ដោយ ម៉ៃឃើល វិចឃើរី។ ចុចទាញយកកម្មវិធីរបស់យើងទីនេះ!
July 24, 2018
មជ្ឈមណ្ឌលបុប្ជាណានឹងឈប់សំរាក៣ថ្ងៃ
មជ្ឈមណ្ឌលបុប្ជាណា មានកិត្តិយសសូមជម្រាបជូនថា សម្រាប់ការបោះឆ្នោតជាតិខាងមុខនេះ យើងខ្ញុំនឹងឈប់សំរាកចាប់ពីថ្ងៃសៅរ៍ ទី២៨ កក្កដា រហូតដល់ថ្ងៃច័ន្ទ ទី៣០ កក្កដា។ ជាក់ស្ដែងការបញ្ចាំងភាពយន្តថ្ងៃសៅរ៍ ក្នុងសប្តាហ៍នេះ ក៏នឹងត្រូវលុបចោលដែរ។ មជ្ឈមណ្ឌលបុប្ជាណា នឹងបើកដំណើរជាធម្មតាវិញ នៅថ្ងៃអង្គារ ទី៣១ កក្កដា ម៉ោង៨ ព្រឹក។ សូមអរគុណ!
July 9, 2018
ជួយបោះឆ្នោតគាំទ្រអេប-ប្រវត្តិសាស្រ្តខ្មែរក្រហម
មជ្ឈមណ្ឌលបុប្ជាណា កំពុងបង្ហាញគម្រោងមួយដែលមានឈ្មោះថា «អេប-ប្រវត្តិសាស្រ្តខ្មែរក្រហម» ហើយពួកយើងត្រូវការអ្នកទាំងអស់គ្នា ជួយគាំទ្រដើម្បីអាចបន្តដំណើរការនៃគម្រោងនេះទៅមុខទៀត។ សូមចុច ទីនេះ ដើម្បីចូលទៅកាន់ទំព័រថ្មីមួយទៀត រួចចុចពាក្យថា “Click to vote for this project” នៅខាងស្ដាំដៃលោកអ្នក។ សូមចែករំលែកគម្រោងនេះជាមួយមិត្តភក្តិ និងក្រុមគ្រួសាររបស់លោកអ្នក។
May 11, 2018
សេចក្ដីជូនដំណឹងផ្អាកដំណើរការ សាលពិគ្រោះបណ្ណសារ
មជ្ឈមណ្ឌលបុប្ផាណា សូមជូនដំណឹងដល់សាធារណជនជ្រាបថា សាលពិគ្រោះបណ្ណសារ នឹងផ្អាកដំណើរការ ពីថ្ងៃសៅរ៍ ទី១២ ខែឧសភា ដល់ថ្ងៃសៅរ៍ ទី១៩ ខែឧសភា ឆ្នាំ២០១៨ ដើម្បីធ្វើការរៀបចំប្រព័ន្ធដំណើរការមូលដ្ឋានទិន្នន័យ។ ការពិគ្រោះបណ្ណសារនឹងបើកដំណើរការដូចប្រក្រតីវិញ នៅថ្ងៃច័ន្ទ ទី២១ ឧសភា ឆ្នាំ២០១៨។ សូមអរគុណ!
November 1, 2017
អេប-កម្មវិធីសិក្សាប្រវត្តិសាស្ត្រខ្មែរក្រហម
អេប-កម្មវិធីសិក្សាប្រវត្តិសាស្ត្រខ្មែរក្រហម គឺជាកម្មវិធីមួយដែលអនុញ្ញាតឲ្យអ្នកប្រើប្រាស់ធ្វើការសិក្សាអំពីប្រវត្តិសាស្ត្រខ្មែរក្រហម តាមរយៈ Smart devices (smart phones និង/ឬ tablets) ដែលទាំងអស់គ្នាអាចប្រើបានតាមអ៊ីនធឺណែតដោយឥតគិតថ្លៃ។ កម្មវិធីនេះគឺជាគម្រោងសំណងមួយ ដែលត្រូវបានស្នើឡើងចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា និងមានគោលបំណងអប់រំយុវវ័យ អំពីប្រវត្តិសាស្ត្រខ្មែរក្រហម ក៏ដូចជាបង្កើនការយល់ដឹងអំពីយុត្តិធម៌ សិទ្ធិមនុស្ស និងសន្តិភាព តាមរយៈការបង្កើតឲ្យមានកិច្ចសន្ទនាគ្នារវាងអ្នករស់រានមានជីវិតពីរបបខ្មែរក្រហម និងយុវជនជំនាន់ក្រោយ។
July 6, 2016
កម្មវិធីប្រចាំខែកក្កដា – សីហា ឆ្នាំ២០១៦ ចេញហើយ!
មជ្ឈមណ្ឌលបុប្ផាណា មានសេចក្ដីសោមន្សនឹងផ្ដល់ជូនដល់សាធារណជន នូវកម្មវិធីវប្បធម៌ នៅក្នុងរយៈពេលពីរខែ ដែលរួមមានមហោស្រពធំៗ ការពិភាក្សា បាឋកថា ការចាក់បញ្ចាំងខ្សែភាពយន្ដ និងសកម្មភាពផ្សេងៗជាច្រើនទៀត។ សូមស្វែងរកពត៌មានពីកម្មវិធីប្រចាំខែ កក្កដា-សីហា នៅក្នុងកូនសៀវភៅរបស់យើង ដែលចែកជូនដោយឥតគិតថ្លៃ នៅមជ្ឈមណ្ឌលបុប្ផាណា និងតាមស្ថាប័នដៃគូ ឬអ្នកអាច ទាញយកជាឯកសារផ្ទាល់នៅទីនេះ!
