គម្រោងផលិតកម្ម
-
ការអភិរក្សសត្វដំរី និងបទពិសោធរបស់ជនជាតិដើមភាគតិចនៅកម្ពុជា
គម្រោងនេះបានជ្រើសរើសយុវជនចំនួន១២នាក់ ព្រមទាំងបានបណ្តុះបណ្តាលពួកគេអំពីវិធីសាស្ត្រនៃការផលិតភាពយន្តដោយចុះទៅសិក្សានៅមូលដ្ឋានដោយផ្ទាល់។ ជាលទ្ធផល បន្ទាប់ពីរយៈពេល១២ខែ ពួកគេបានសម្រេចនូវភាពយន្តឯកសារចំនួនបីរឿងដែលបង្ហាញពីការអភិរក្សគំរូទៅលើសត្វដំរី ចំណេះដឹងផ្នែកបរិស្ថាន និងវប្បធម៌របស់ប្រជាជនក្នុងសហគមន៍ជនជាតិដើមភាគតិចក្នុងខេត្តមណ្ឌលគិរី។ អានបន្ថែម »
-
ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង
នេះគឺជាគម្រោងបណ្ដុះបណ្ដាលផ្នែកផលិតភាពយន្តឯកសារ ដែលបានផ្តល់អាហារូបករណ៍ដល់បេក្ខជនចំនួន ១២ នាក់។ បេក្ខជនមកពីទីជនបទនៃកម្ពុជា ដូចជាខេត្តមណ្ឌលគិរី រតនគិរី និងបន្ទាយមានជ័យ ត្រូវបានជ្រើសរើស ហើយគម្រោងក៏បានលើកទឹកចិត្តឱ្យពួកគេថតភាពយន្តឯកសារនៅឯខេត្តរបស់ពួកគេផ្ទាល់។ គោលបំណងនៃគម្រោងនេះ គឺដើម្បីផ្តល់សិទ្ធិអំណាច ជាពិសេសដល់ស្រ្តីជនជាតិដើមភាគតិច និងក្រុមដែលត្រូវបានគេរើសអើង និងផ្តល់សំឡេងបញ្ចេញមតិដល់ពួកគេ តាមរយៈពហុប្រព័ន្ធផ្សព្វផ្សាយថ្មី។ អានបន្ថែម »
-
រំឭក
តាមរយៈការចងក្រងឯកសារ និងការចែករំលែកនូវរឿងរ៉ាវផ្ទាល់ខ្លួនរបស់អ្នកដែលនៅរស់រានមានជីវិតពីរបបខ្មែរក្រហម គម្រោងបានលើកទឹកចិត្តឱ្យយុវជនស្វែងយល់ពីអតីតកាល និងលើកទឹកចិត្តឱ្យមនុស្សជំនាន់មុនផ្ទេរនូវរឿងរ៉ាវរបស់ពួកគាត់ទៅកាន់មនុស្សជំនាន់ក្រោយ។ នេះគឺជាផ្នែកមួយនៃការរំឭកការចងចាំរបស់ប្រជាជនកម្ពុជាដើម្បីកសាងអនាគតទៅថ្ងៃខាងមុខ។
-
ផ្កាស្លាក្រោមអង្គការ
គម្រោងផ្កាស្លាក្រោមអង្គការ គឺជាគម្រោងសំណងស្នើតែមួយគត់នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជាក្នុងសំណុំរឿង ០០២/០២ ដែលផ្តោតការយកចិត្តទុកដាក់ទៅលើទុក្ខសោករបស់ជនរងគ្រោះ កើតចេញពីការបង្ខំឱ្យរៀបការនៅក្នុងរបបខ្មែរក្រហម។ ស្នាដៃសិល្បៈទាំងនេះលេចចេញជារូបរាងឡើងតាមរយៈការប្រើប្រាស់ប្រវត្តិសាស្ត្រផ្ទាល់មាត់របស់ជនរងគ្រោះនៃការបង្ខំឱ្យរៀបការ ដើម្បីធ្វើជាប្រភពដ៏មានសក្តានុពលក្នុងការបំផុសគំនិត ឬការបង្កើតស្នាដៃសិល្បៈ។
-
មួយដុល្លារ
គម្រោងនេះបានធ្វើការតភ្ជាប់រវាងអ្នកផលិតខ្សែភាពយន្តនៅជុំវិញពិភពលោកក្រោមគោលដៅតែមួយ ដើម្បីចែករំលែកខ្សែជីវិតរបស់បុគ្គលដែលរស់នៅក្រោមបន្ទាត់ភាពក្រីក្រ។ ភាពយន្តខ្លីៗពី ៥ ទៅ ៧ នាទីទាំងនេះត្រូវបានផលិតឡើងក្នុងថ្នាក់តំបន់ ហើយយើងក៏បានផ្សព្វផ្សាយភាពយន្តទាំងនោះឱ្យពិភពលោកបានឃើញ។ ទាំងនេះក៏បានជួយយើងឱ្យរៀនអំពីបញ្ហានានាដែលជះឥទ្ធិពលដល់សហគមន៍ក្រីក្រ ហើយយើងក៏បានបង្កើតឱ្យមានកិច្ចសន្ទនាតាមប្រព័ន្ធ Online ដែលនាំឱ្យយើងអាចស្វែងរកឃើញនូវតំបន់ដែលមានតម្រូវការ និងជំរុញឱ្យមានសកម្មភាពកើតឡើង។
-
អាណាដ្យា
“អាណាដ្យា” ជាឈ្មោះគម្រោងមួយដែលត្រូវបានរចនាឡើងដើម្បីលើកកម្ពស់បច្ចេកវិទ្យាសមស្របសម្រាប់កសិករខ្នាតតូច ដើម្បីបង្កើនសន្តិសុខស្បៀងអាហារដល់ជនជាតិដើមភាគតិច។ គម្រោងនេះត្រូវបានគេដាក់ឈ្មោះថា អាណាដ្យា ជាភាសាសំស្ក្រឹតដែលមានន័យថា “ការទទួលទានទៅតាមតម្រូវការប្រកបដោយសុភមង្គល”។ អាណាដ្យា មានទិសដៅបី ៖ ការបង្កើនផលិតកម្មកសិកម្ម និងផលិតភាព ការលើកកម្ពស់អាហារូបត្ថម្ភរបស់អ្នកទទួលផល និងការអភិវឌ្ឍស្ថាប័នមូលដ្ឋានដែលមាននិរន្តរភាព។ គម្រោងត្រូវបានអនុវត្តនៅក្នុងភូមិប្រហែលជា ៦៤ ភូមិ និងមានគោលបំណងដើម្បីផ្តល់អត្ថប្រយោជន៍ដល់គ្រួសារជនបទនៅកម្ពុជាដែលងាយរងគ្រោះចំនួន ១ ម៉ឺនគ្រួសារ។
ផលិតកម្ម
ដំបូងបង្អស់នៃការផលិតរបស់មជ្ឈមណ្ឌលបុប្ផាណា គឺបានមកពីភាពយន្តឯកសារ ផលិតដោយយុវជនវ័យក្មេងរបស់យើង ដែលទទួលបានការបណ្ដុះបណ្ដាលនៅក្នុងមជ្ឈមណ្ឌល។ ភាពយន្តទាំងនោះត្រូវបានជ្រើសរើស និងទទួលបានពានរង្វាន់នៅក្នុងមហោស្រពអន្តរជាតិជាច្រើន ដូចជា មហោស្រព Sundance មហោស្រព DocHouse មហោស្រព FIFDH មហោស្រពភាពយន្តឯកសារអន្តរជាតិ Aljazeera... និងរំឭកដើម្បីបញ្ជាក់អំពីរូបភាពគួរឱ្យកត់សម្គាល់នៅក្នុងមជ្ឈមណ្ឌល។ ភាពយន្តខ្លីរឿង «អាពាហ៍ពិពាហ៍ក្រហម» គួរឱ្យកត់សម្គាល់ គឺទទួលបានពានរង្វាន់ភាពយន្តឯកសារខ្នាតមធ្យមល្អផ្ដាច់គេក្នុងឆ្នាំ ២០១២ នៅមហោស្រពភាពយន្តអន្តរជាតិ Amsterdam (IDFA)។
ភាពយន្តផ្សេងៗ និងការផ្សព្វផ្សាយផលិតកម្ម
- សម្ភារៈ និងមនុស្ស ខួប ២០ ឆ្នាំនៃសកម្មភាពរបស់ទីភ្នាក់ងារអភិវឌ្ឍន៍បារាំងនៅកម្ពុជា (២០១៣)
- ១៩ នាទី សហការផលិតភាពយន្តសម្រាប់ទីភ្នាក់ងារអភិវឌ្ឍន៍បារាំង។ វាបង្ហាញពីសកម្មភាពរបស់ទីភ្នាក់ងារនេះនៅប្រទេសកម្ពុជា។ ភាសាបារាំង អង់គ្លេស និងភាសាខ្មែរ។
- របាំព្រះរាជទ្រព្យខ្មែរ (២០១១)
- បទយកការណ៍ថតដោយទូរទស្សន៍អាមេរិកាំងស្ដីពី របាំព្រះរាជទ្រព្យខ្មែរនាទសវត្សរ៍ឆ្នាំ ៦០ (បណ្ណសារ NARA)។
- Les fours propres (2010)
- បទយកការណ៍ផលិតដោយទូរទស្សន៍កងយោធពលខេមរភូមិន្ទប៉ុស្តិ៍លេខ ៥ «Monde sur les fours améliorés du Gérès» សម្រាប់កម្មវិធី «ការកើនកម្ដៅផែនដី»។
- បុប្ផាណា ៖ ស្រមោល និងពន្លឺ (២០១០)
- ៨ នាទី ផលិតនាឱកាសមហោស្រពភាពយន្តទីក្រុងកាន ឆ្នាំ ២០១០ ដើម្បីបង្ហាញពីមជ្ឈមណ្ឌលបុប្ផាណា។
- ប្រទេសកម្ពុជា ៖ សិប្បសាលាការចងចាំ (២០០៩)
- ភាពយន្តរបស់ស្ថាប័នរយៈពេល ៣៧ នាទី ស្នើដោយសាកលវិទ្យាល័យប៉ារីស ៨ បង្ហាញពីការងារនៅមជ្ឈមណ្ឌលបុប្ផាណាក្នុងក្របខណ្ឌនៃសិប្បសាលា «ការចងចាំបណ្ណសារ និងគំនិតច្នៃប្រតិដ្ឋ»។
- Testimonial Therapy, A Path Towards Justice and Healing (២០០៩)
- ភាពយន្តរបស់ស្ថាប័នរយៈពេល ១៣ នាទី សហការផលិតដោយអង្គការក្រៅរដ្ឋាភិបាល TPO ទាក់ទិននឹងការខិតទៅរកការបញ្ចូលរបៀបថ្មី ដើម្បីព្យាបាលភាពបាក់ស្បាតរបស់បុគ្គល និងក្រុមមនុស្សដែលរងគ្រោះ អ្នកដែលរួចជីវិតនៅរបបខ្មែរក្រហម។
- អវត្តមាន (២០០៧) នំបញ្ចុក (២០០៧)
- ភាពយន្តឯកសារផលិតដោយ Mathieu Pheng
ស្ទូឌីយ៉ូផលិតកម្ម
យើងបណ្ដុះបណ្ដាលអ្នកបច្ចេកទេស និងសមិទ្ធិករភាពយន្ត នៅក្នុងសិប្បសាលាអនុវត្ត ដឹកនាំដោយអ្នកជំនាញខ្មែរ និងបរទេស។ នៅពេលចប់វគ្គបណ្ដុះបណ្ដាល យើងឱ្យពួកគេចូលរួមក្នុងការផលិតភាពយន្តរបស់យើង ដែលអាចឱ្យពួកគេទទួលបានការអភិវឌ្ឍអាជីពជំនាញរបស់ពួកគេ។ មជ្ឈមណ្ឌលបុប្ផាណាជួយឱ្យលេចជាទម្រង់ និងផ្ដល់ជំនាញអាជីពនៅក្នុងវិស័យភាពយន្ត និងសោតទស្សន៍នៅកម្ពុជា។
ផ្នែកផលិតរបស់មជ្ឈមណ្ឌលក៏មានគោលបំណងក្នុងការគ្រប់គ្រងចំណូល ដើម្បីធានានិរន្តរភាពដល់សកម្មភាពរបស់យើង។ ដោយផ្ដល់ឱ្យមាននូវសេវាកម្មប្រកបដោយគុណភាព (ការជួលសម្ភារៈថតកុន ការខ្ចីសម្ភារៈមួយចំនួន ក្រោយការផលិតភាពយន្ត) និងប្រកបដោយអាជីពជំនាញច្បាស់លាស់ ស្ទូឌីយ៉ូរបស់យើងឆ្លើយតបទៅនឹងតម្រូវការរបស់អ្នកជំនាញនៅក្នុងវិស័យនេះ។
សេវាកម្ម »ការផលិតផ្នែកតន្ត្រី
ការផលិតរបស់យើងផ្ដល់ជីវិតឡើងវិញដល់បេតិកភណ្ឌតន្ត្រី និងវិទ្យុស័ព្ទនៅកម្ពុជា។ គម្រោងដំបូងបង្អស់របស់យើងគឺ «តន្ត្រីពនេចរ» ហើយយើងបានថតសំឡេងអ្នកចម្រៀងពនេចរទាំងនោះនៅប្រទេសកម្ពុជា ដោយយកមកធ្វើការកែច្នៃឡើងវិញ។ «កំណប់តន្ត្រីដូនតា» មានជាច្រើនភាគ កើតចេញពីសៀវភៅភ្លេងបុរាណខ្មែរមួយក្បាល បោះពុម្ពនៅប្រទេសបារាំង នៅដើមសតវត្សរ៍ទី ២០។ យើងបានអញ្ជើញក្រុមអ្នកជំនាញ និងតន្ត្រីករខ្មែរមួយចំនួន ដើម្បីច្រៀងចម្រៀងនោះឡើងវិញ។ ជាមួយគម្រោង «Back to Rock» យើងបានធ្វើឱ្យចម្រៀងរ៉ុកខ្មែរច្បាប់ដើមនាទសវត្សរ៍ឆ្នាំ ៦០-៧០ មានជីវិតឡើងវិញ។ ខ្សែអាត់សំឡេងរបស់លោក ហ្សាក់ ប្រ៊ុយណេ ធ្វើឱ្យយើងបានស្ដាប់ឮឡើងវិញនូវរឿង «រាមកេរ្តិ៍» ដែលនិទាននាសម័យនោះដោយអ្នកនិទានរឿងដ៏ល្បីគឺ តាគ្រុឌ...។ តាមរយៈស៊ីឌី ដែលយើងផលិត និងចែកចាយនៅតាមបណ្ដាខេត្តនានា បេតិកភណ្ឌទាំងនេះលេចឡើងនៅលើរលកវិទ្យុនៅតាមជនបទ និងក្នុងពិធីបុណ្យប្រពៃណីនានា។
