នៅថ្ងៃទី៣០ ខែមេសា ឆ្នាំ២០២៤ ខាងមុខនេះ មជ្ឈមណ្ឌលបុប្ផាណានឹងរៀបចំបាឋកថាមួយស្ដីអំពី «ក្បាច់ខ្មែរ» ដែលបង្ហាញដោយលោក ច័ន្ទ វិត្ថារិន្ទ ព្រឹទ្ធបុរសរងនៃមហាវិទ្យាល័យ សិល្បៈសូនរូប នៃសកលវិទ្យាល័យភូមិន្ទវិចិត្រសិល្បៈ។ នៅក្នុងបាឋកថានេះ លោកនឹងលើកយកឧទាហរណ៍ខ្លីៗអំពីក្បាច់ផ្សេងៗ របស់ខ្មែរ យើងមកបង្ហាញ អមជាមួយរបៀបនៃការគូរក្បាច់ខ្លះៗផងដែរ។ អាស្រ័យហេតុនេះ មជ្ឈមណ្ឌលបុប្ផាណាសូមអញ្ជើញសាធារណជនទាំងអស់ ជាពិសេសអ្នកស្រឡាញ់ការរចនាក្បាច់នានាចូលរួមនៅក្នុងកម្មវិធីនេះឱ្យបានច្រើនកុះករ។