ក្នុងឱកាសគម្រប់ខួប៥០ឆ្នាំ នៃការឡើងកាន់អំណាចរបស់ខ្មែរក្រហម (១៩៧៥-២០២៥) មជ្ឈមណ្ឌលបុប្ផាណា រៀបចំការតាំងពិព័រណ៍ក្រោមចំណងជើងថា«ខ្មែរក្រហមដណ្ដើមបានទីក្រុងភ្នំពេញ» ដើម្បីរំឭកពីការចងចាំចំពោះព្រឹត្តិការណ៍ដ៏ខ្មៅងងឹតបំផុតរបស់កម្ពុជា ដែលបន្សល់ទុកដោយរបបខ្មែរក្រហម។

ពិព័រណ៍នេះ បើកជូនសាធារណជនចូលទស្សនាដោយឥតគិតថ្លៃនៅមជ្ឈមណ្ឌលធនធានសោតទស្សន៍បុប្ផាណា​ រហូតដល់ថ្ងៃទី៣០ ខែមិថុនា ឆ្នាំ២០២៥។

យើងខ្ញុំ សូមគោរពអញ្ជើញសាធារណជនចូលរួមកម្មវិធីសម្ពោធពិព័រណ៍នេះដែលនឹងប្រព្រឹត្ដិទៅ នៅថ្ងៃទី២៦ ខែមេសា ឆ្នាំ២០២៥ វេលាម៉ោង៤:៣០នាទីល្ងាច នៅមជ្ឈមណ្ឌលបុប្ផាណា។