មជ្ឈមណ្ឌលធនធានសោតទស្សន៍បុប្ផាណា សូមអញ្ជើញសាធារណជនចូលរួមទស្សនាពិព័រណ៍ស្នាដៃគំនូរដ៏ពិសេសរបស់វិចិត្រករ ជា សេរីរដ្ឋ ក្រោមចំណងជើងថា«តើខ្ញុំវង្វេង?» ចាប់ពីថ្ងៃទី៦ ខែកុម្ភៈ ដល់ថ្ងៃទី៣១ ខែមីនា ឆ្នាំ ២០២៦ នៅជាល់ផ្ទាល់ដីនៃមជ្ឈមណ្ឌលបុប្ផាណា។ ស្នាដៃគំនូរទាំងនេះ ឆ្លុះបញ្ចាំងពីការចងចាំផ្ទាល់ខ្លួន និងទេសភាពដែលបង្កប់នូវអារម្មណ៍ ដែលផ្តល់ជូនអ្នកទស្សនានូវដំណើរត្រិះរិះ ចូលទៅក្នុងពិភពខាងក្នុងរបស់វិចិត្រករ។

ពិព័រណ៍នេះ សហការរៀបចំដោយមជ្ឈមណ្ឌលធនធានសោតទស្សន៍បុប្ផាណា និងស្នារដ្ឋបាលសិល្បៈ ដោយមានការគាំទ្រពីទីភ្នាក់ងារអភិវឌ្ឍន៍បារាំង (AFD) ដែលជាផ្នែកមួយនៃការអបអរខួប២០ឆ្នាំនៃការបង្កើតមជ្ឈមណ្ឌលបុប្ផាណា ដែលជាកន្លែងមួយដែលបម្រើដល់ការស្វែងយល់ពីអត្តសញ្ញាណ ការចងចាំ និងការកន្លងផុតទៅនៃពេលវេលា ហើយជាកន្លែងដែលសិល្បករ ជា សេរីរដ្ឋ បានចូលរួមនៅក្នុងសិក្ខាសាលានៃការចងចាំ កាលពីឆ្នាំ២០០៨ ២០០៩ និងឆ្នាំ២០១២។