ពិព័រណ៍រូបថត៖ សហគមន៍ខ្ញុំ
រៀបចំដោយ៖ អង្គការអភិវឌ្ឍន៍សំលេងសហគមន៍ (BCV)
រយៈពេល៖ ចាប់ពីថ្ងៃទី២៣ ធ្នូ ២០១៥ – ១០ មករា ២០១៦
ពិធីបើកពិព័រណ៍៖ ម៉ោង៩ព្រឹក ថ្ងៃទី២៣ ខែធ្នូ នៅមជ្ឈមណ្ឌលបុប្ផាណា
នៅថ្ងៃបើកពិព័រណ៍៖ កិច្ចពិភាក្សាជាមួយអ្នកស្មគ្រ័ចិត្តក្នុងសហគមន៍
តាំងពីពាក់កណ្ដាលឆ្នាំ២០០៨ អង្គការក្រៅរដ្ឋាភិបាល អង្គការអភិវឌ្ឍន៍សំលេងសហគមន៍ (BCV)
បានធ្វើការជាមួយសហគមន៍ជាច្រើនលើសពី៣០០ នៅក្នុងប្រទេសកម្ពុជា ក្នុងគោលបំណងបណ្ដុះបណ្ដាលប្រជាជននៅក្នុងសហគមន៍អំពី បច្ចេកទេសផលិត និងផ្សព្វផ្សាយព័ត៌មាន ដូចជាជំនាញថតរូបអាជីព ថតសំឡេង ធ្វើបទសម្ភាសន៍ និងជំនាញសរសេរអត្ថបទ ជំនាញកុំព្យូទ័រ ចេះផលិតសៀវភៅខិតប័ណ្ណផ្សេងៗ និងជំនាញជាអ្នកផលិតកម្មវិធីវិទ្យុ ឬភាពយន្ត។
ឆ្លើយតបទៅនឹងការខិតខំប្រឹងប្រែងរបស់ប្រជាជន អង្គការអភិវឌ្ឍន៍សំលេងសហគមន៍ (BCV) មានគំនិតផ្ដួចផ្ដើមបើកពិព័រណ៍រូបថតស្ដីពី សហគមន៍នេះ ដើម្បីលើកទឹកចិត្តប្រជាជនក្នុងសហគមន៍បង្ហាញពីចំណាប់អារម្មណ៍ផ្ទាល់របស់ពួកគាត់ អាចឱ្យពួកគាត់ចែករំលែកបញ្ហាជាក់ស្ដែង នៅក្នុងសហគមន៍របស់ពួកគាត់ទាំងអស់គ្នាជាមួយសាធារណជន។
ភ្ញៀវកិត្តិយសទាំងអស់អាចចូលរួមបោះឆ្នោត ចំពោះរូបថតដែលលោកអ្នកពេញចិត្ត ហើយរូបថតដែលឈ្នះនឹងត្រូវបានទទួលរង្វាន់ពីលេខ ១ ដល់លេខ ៣។
ចូលទស្សនាដោយសេរី
