រឿងយើង-អ្នករស់រានមានជីវិតពីរបបខ្មែរក្រហម រម្លឹកការចងចាំពីភូមិពួកគេរស់នៅ
ចាប់ពីថ្ងៃទី ២៤ តុលា រហូតដល់ថ្ងៃទី ៤ វិច្ឆិកា
សម្ពោធពិព័រណ៍ថ្ងៃទី ២៨ តុលា ម៉ោង ៤ៈ៣០នាទីល្ងាច
ក្រោមការសហការជាមួយអង្គការយូនីស្កូ ដើម្បីអបអរសាទរទិវាបេតិកភណ្ឌសោតទស្សន៍ពិភពលោកឆ្នាំ២០១៦ ក្រោមប្រធានបទ «វាជារឿងរបស់អ្នក_កុំបំភ្លេចវា»។
មជ្ឈមណ្ឌលបុប្ជាណា រៀបចំពិព័រណ៍មួយក្រោមចំណងជើងថា «រឿងយើង-អ្នករស់រានមានជីវិតពីរបបខែ្មរក្រហម រម្លឹកការចងចាំពីភូមិពួកគេរស់នៅ » ដើម្បីបង្ហាញការថែរក្សាការចងចាំសោតទស្សន៍។ ពិព័រណ៍នេះមានវីដេអូ ដែលជាសក្ខីភាពរបស់អ្នករស់រានមានជីវិតពីរបបខ្មែរក្រហម ដូចជា ចុងភៅ មេកងក្រុមកុមារ គ្រូបង្រៀន មេកងចល័ត។ល។ ភូមិដីឥដ្ឋ បង្កើតឡើងដោយសិល្បករ ដែលត្រូវបានគេស្គាល់ តាមរយៈស្នាដៃរបស់លោកក្នុងភាពយន្ត «កង្វះរូបភាព» បង្ហាញអំពីជីវិតប្រចាំថ្ងៃរបស់អ្នកភូមិ រស់នៅក្រោមរបបខ្មែរក្រហម។
ទស្សនាដោយឥតគិតថ្លៃ!
