សារមន្ទីរអង់គ្លេស គឺជាទីកន្លែងនៃការប្រមូលផ្តុំរូបថតជិត៩០០សន្លឹក របស់ក្រុមរបាំចំនួនពីរ នៅដើមសតវត្សទី២០ គឺក្រុមរបស់ព្រះបាទស៊ីសុវត្ថិមុនីវង្ស និងក្រុមល្ខោនដែលទទួលបានការគាំទ្រពីរដ្ឋបាលអាណានិគមបារាំង។ រូបថតទាំងនេះ ដែលទំនងជាថតដោយជនជាតិអង់គ្លេស លោក Gerald F. Kelly ផ្តល់នូវកំណត់ត្រាដ៏ស្រស់ស្អាត និងទូលំទូលាយអំពីសម្លៀកបំពាក់ និងក្បាច់របាំខ្មែរ ដូចដែលមាននៅក្នុងឆ្នាំ១៩៣៧។ សមុច្ច័យនេះ រួមមានរូបស្ត្រីចំនួនដប់បួននាក់ ក្នុងនោះក៏មានរូបសាស្ត្រាចារ្យ ជា សាមី កាលវ័យក្មេងផងដែរ។

កម្មវិធីចែករំលែកនេះ នឹងត្រូវធ្វើឡើងអមដោយការបង្ហាញរូបភាពជាច្រើន ដែលអនុញ្ញាតឱ្យអ្នករបាំ អ្នកសិក្សាស្រាវជ្រាវ និងសាធារណជន បានចែករំលែកគំនិត និងអារម្មណ៍របស់ខ្លួន។ បន្ទាប់ពីការណែនាំខ្លីៗអំពីប្រវត្តិនៃរូបថត អ្នកចូលរួមនឹងត្រូវបានអញ្ជើញឱ្យពិភាក្សាអំពីរូបភាពនៅក្នុងវគ្គចែករំលែកជាក្រុម។ យើងសង្ឃឹមថាការចែករំលែកអនុស្សាវរីយ៍រួមគ្នានេះ ទាំងការចងចាំផ្ទាល់ខ្លួន និងការចងចាំដែលត្រូវបានបន្តពីមួយជំនាន់ទៅមួយជំនាន់ អាចជួយផ្តល់ជីវិតដល់អ្នករបាំនៅក្នុងរូបថតទាំងនោះ។ វគ្គនេះ ក៏នឹងផ្តល់ជាវេទិកាសម្រាប់ការគិតរួមគ្នាលើតួនាទីនាពេលអនាគត របស់រូបថតទាំងនោះ ក្នុងនាមជាបណ្ណសាររបាំមុនសម័យខ្មែរក្រហម ដោយសង្ឃឹមថារូបថតទាំងនោះ នឹងក្លាយជាធនធាននៃការបង្រៀនដ៏មានតម្លៃ សម្រាប់អ្នករបាំនាពេលបច្ចុប្បន្ន។

ថ្ងៃសុក្រ ទី១៩ ខែធ្នូ ឆ្នាំ២០២៥ វេលាម៉ោង៦ល្ងាច នៅមជ្ឈមណ្ឌលបុប្ផាណា។