នៅថ្ងៃទី១៣ ខែធ្នូ ឆ្នាំ២០២៣ ខាងមុខនេះ កម្មវិធីស៊ីណេក្លឹបនឹងពាំនាំនូវប្រធានបទថ្មី«ហេតុអ្វីបានជាអ្នកផលិតភាពយន្ដឯករាជ្យមានសារៈសំខាន់?»ជូនដល់សាធារណជនទាំងអស់បានសិក្សាស្វែងយល់ ជាពិសេសអ្នកស្រលាញ់ការផលិតភាពយន្ដ និងចង់ក្លាយជាសមិទ្ធករភាពយន្ដឯករាជ្យ។ ដោយប្រធានបទនេះនឹងមានការបកស្រាយពីសំណាក់វាគ្មិនកិត្ដិយសលោក ហេង លីម (WILL) ដែលលោកគឺជាសមិទ្ធករភាពយន្ដឯករាជ្យមួយរូបមានបទពិសោធច្រើននៅក្នុងវិស័យភាពយន្ដ។ នាឱកាសនេះលោកនឹងបង្ហាញអំពីគន្លឹះសំខាន់ៗនៃចំនុចចាប់ផ្ដើម ការឆ្នៃប្រឌិត និងលក្ខខ័ណ្ឌផ្សេងៗដើម្បីក្លាយជាអ្នកផលិតភាពយន្ដឯករាជ្យម្នាក់។

មជ្ឈមណ្ឌលបុប្ផាណា សូមអញ្ជើញសាធារណជនទាំងអស់ចូលរួមក្នុងកម្មវិធីនេះឱ្យបានច្រើនកុះករ ជាពិសេសអ្នកស្រលាញ់វិស័យភាពយន្ដក៍ដូចជាអ្នកចូលចិត្ដផលិតមាតិកាវិដេអូជាដើម។