មជ្ឈមណ្ឌលបុប្ផាណា មានសេចក្តីសោមនស្សរីករាយក្នុងការរៀបចំកម្មវិធីចាក់បញ្ចាំងភាពយន្តពិសេសដែលមានចំណងជើងថា “Prue Leith: Journey with My Daughter” ​អមជាមួយនឹងវត្ដមានផលិតករ នៅថ្ងៃទី២៤ ខែតុលា ឆ្នាំ២០២៥នេះ វេលាម៉ោង៦ និង៣០នាទីល្ងាច។ ដឹកនាំដោយសមិទ្ធករភាពយន្ដ ឡតធី ហ្គាមម៉ុន ខ្សែភាពយន្តនេះបង្ហាញពីដំណើររឿងរបស់អ្នកស្រី ព្រូ លីត ដែលបានទទួលចិញ្ចឹមកុមារកម្ពុជា ជាកូនរបស់គាត់ឈ្មោះ លី ដា គ្រឺហ្គឺ ជាកុមារដែលត្រូវបានជួយសង្គ្រោះពីសង្គ្រាមស៊ីវិលនៅកម្ពុជា។ អ្នកទាំងពីរបានត្រឡប់មកប្រទេសកម្ពុជា ដើម្បីស្វែងរកអត្ដសញ្ញាណរបស់លីដា និងសាច់ញាតិរបស់នាងដែលនៅមានជីវិត។