សំឡេងក្រៅឆាក
ដឹកនាំដោយសិក្ខាកាម ឡាន់ លីស ឆ្នាំ២០២៤, រយៈពេល២៧:០០នាទី និយាយជាភាសាខ្មែរ មានអក្សរអង់គ្លេសរត់ពីក្រោម។
លោកតា ម៉ៅ សារិន គឺជាអតីតសិល្បៈករជំនាញផ្នែកបញ្ជូលសំឡេងខ្សែភាពយន្ដ ដ៍មានប៉ិនប្រសប់មួយរូប។ បច្ចុប្បន្នមានវ័យជាង៩០ឆ្នាំ លោកតាធ្លាប់មានបទពិសោធជាច្រើននៅក្នុងឧស្សាហកម្មភាពយន្ដតាំងពីទសវត្សរ៍ឆ្នាំ៦០ដល់ឆ្នាំ៩០ ចាប់ពីអ្នកលក់សំបុត្រកុនធម្មតា រហូតក្លាយអ្នកថត អ្នកកាត់ត អ្នកចាក់បញ្ចាំង រួមទាំងជាអ្នកបញ្ជូលសំឡេងផងដែរ។ ស្នាដៃរបស់លោកតាត្រូវបានគេទទួលស្គាល់ និងធ្លាប់ទទួលបានពានរង្វាន់កិត្តិយសពីព្រះករុណាព្រះបាទសម្តេចព្រះនរោត្តម សីហនុ ថែមទៀតផង។