ពិព័រណ៍សិល្បៈគំនូរ «មាសម្ដាយ» គឺជាស្នាដៃថ្មីរបស់សិល្បៈករលោកស្រី ស៊ូ សុភី ដែលផលិតចេញពីក្រដាសកែច្នៃ។ ពិព័រណ៍នេះនឹងឆ្លុះបញ្ចាំងពីស្ត្រី និងភាពជាម្តាយ ដែលជានិមិត្តរូបតំណាងវដ្តនៃជីវិត ដោយមានលាភ និងគ្រោះឆ្លងកាត់មកជាមួយគ្នា។ ដំណើរដ៏ពិសិដ្ឋតាំងពីក្នុងគក៌ រហូតចម្រើនវ័យវឌ្ឍនាការមកជាមនុស្សនេះ សបញ្ជាក់ពីចំណងនៃក្តីស្រឡាញ់ឥតព្រំដែន រួមទាំងករណីយកិច្ចដើម្បីការពារ និគោរពដល់គុណតម្លៃស្ត្រី និងភាពជាមាតានៅលើលោក។

មជ្ឈមណ្ឌលបុប្ផាណាសូមអញ្ជើញសាធារណជនចូលរួមកម្មវិធីសម្ភោធពិព័រណ៍នេះ នៅថ្ងៃទី៦ ខែកញ្ញា ឆ្នាំ២០២៤ វេលាម៉ោង ៦ នាទីរសៀល នៅមជ្ឈមណ្ឌលបុប្ផាណា។

ពិព័រណ៍នេះនឹងដាក់តាំងបង្ហាញជូនសាធារណជនចូលទស្សនាចាប់ពីថ្ងៃទី៦ ខែកញ្ញា ដល់ថ្ងៃទី៤ ខែតុលា ឆ្នាំ២០២៤។