នៅចុងពាក់កណ្ដាលសតវត្សទី២០ ប្រទេសកម្ពុជាបានឆ្លងកាត់នូវសង្រ្គាម និង​ការ​ប្រល័យពូជសាសន៍ដ៏គួរឲ្យរន្ធត់ រយៈពេលជិត៣០ឆ្នាំ ។ នៅ​ទសវត្សរ៍​ទី៦០ កម្ពុជា​ដែល​បានឯករាជ្យតាំងពីឆ្នាំ១៩៥៣ពីប្រទេសបារាំង បាន​ធ្លាក់​ទៅក្នុង​អន្ទាក់​នៃ​សង្គ្រាម​ត្រជាក់ ដោយសារ​តែ​ការ​ព្យាយាម​រក្សា​នូវ​អព្យាក្រឹតភាព​​របស់​ខ្លួន ។ ភាពយន្ដ​ឯកសារ​នេះ​នឹង​បង្ហាញ​អំពី​ស្ថានភាព​សង្រ្គាម​វៀតណាម របប​ខ្មែរក្រហម និង​អំណាច​ដ៏​ខ្លាំងក្លា​ពី​សំណាក់​អន្ដរជាតិ ដែល​បាន​ធ្វើ​ឲ្យ​ប្រទេស​នេះ​​ដាំ​ក្បាល​ចុះ​ធ្លាក់​ពី​ទី​ខ្ពស់​រហូត​ដល់​ចំណុច​សូន្យ ។