កិច្ចពិភាក្សាតុមូលស្ដីអំពី “ការចាប់ផ្ដើមនៃអ្នករបាំឆ្នាំ១៩៧៣”
វាគ្មិន៖ លោកជំទាវ ម៉ិញ កុសនី អ្នកគ្រូ ឳម យុវណ្ណា និងអ្នកគ្រូ ព្រំ ស៊ីសាផាន្ឋា
ទីកន្លែង៖ មជ្ឈមណ្ឌលបុប្ជាណា
កាលបរិច្ឆេទ ៖ ថ្ងៃទី ០៨ មេសា ម៉ោង៦:៣០ល្ងាច
ភាសាក្នុងកម្មវិធី ៖ ខ្មែរ និងមានបកប្រែជាភាសាអង់គ្លេស។
ទាក់ទងនឹងការតាំងពិព័រណ៍នាពេលថ្មីៗនេះអំពី “អ្នករបាំឆ្នាំ១៩៧៣” ដែលបានបង្ហាញរូបថតនៃការសម្ដែងរបាំ នៅមុនសម័យខ្មែរក្រហម និងការចាប់កំណើតឡើងវិញនាពេលបន្ទាប់ យើងខ្ញុំមានក្ដីសោមនស្សរីករាយ គោរពអញ្ជើញលោក លោកស្រី អ្នកនាង កញ្ញា ចូលរួមក្នុងកិច្ចពិភាក្សាតុមូលស្ដីអំពី ការចាប់ផ្ដើមក្លាយជាអ្នករបាំក្នុងអំឡុងពេលនោះ។ កិច្ចពិភាក្សាអំពី បទពិសោធន៍របស់ពួកគាត់ ចាប់តាំងពីការសម្ដែងឆ្នាំ១៩៧៣ ការឆ្លងកាត់នូវភាពលំបាកលំបិន ការរស់រានមានជីវិតក្នុងអំឡុងនៃការគ្រប់គ្រងរបស់ខ្មែរក្រហម និងការតស៊ូស្ដាររបាំឡើងវិញ ដែលមានអ្នករបាំដ៏ល្បីល្បាញចំនួនបីនាក់នឹងនៅជាមួយយើងក្នុងកិច្ចពិភាក្សានេះដូចជា លោកជំទាវ ម៉ិញ កុសនី អ្នកគ្រូ ឳម យុវណ្ណា និង អ្នកគ្រូ ព្រំ ស៊ីសាផាន្ឋា។
សូមស្វាគមន៍ និងចូលរួមដោយសេរី!