ALAN CRUMLISH (ស្កុតឡេន កើតឆ្នាំ ១៩៥៤)

នៅក្នុងឆ្នាំ១៩៨៩ Alan បានអមដំណើរបងប្រុសរបស់គាត់ Brian ដែលជាអ្នកដឹកនាំរឿង និងផលិតករម្នាក់ឈ្មោះ Christeen Winford នៃ Cormorant Films មកកាន់ប្រទេសកម្ពុជាដើម្បីចងក្រង     ឯកសារអំពីទិដ្ឋភាពជាច្រើននៃការងើបឡើងវិញរបស់សង្គម និងវប្បធម៌ដែលកំពុងកើតឡើងក្នុងរយៈពេល១០ឆ្នាំបន្ទាប់ពីការដួលរលំនៃរបបខ្មែរក្រហម។ ក្នុងអំឡុងពេលនោះ គាត់បានថតរូបនៃកន្លែងដែលត្រូវបានគេស្គាល់ថាជាក្រុមហ៊ុនរបាំជាតិកម្ពុជា (Cambodian National Dance Company)។ នៅពេលត្រឡប់ទៅវិញ រូបថតទាំងនេះបានក្លាយជាគន្លឹះនៃអង្គការសប្បុរសធម៌ទូទាំងពិភពលោក Oxfam ដែលធានាផ្តល់នូវដំណើរទស្សនកិច្ចនៅបរទេសជាលើកដំបូងបង្អស់របស់ក្រុមហ៊ុនទៅកាន់លោកខាងលិចក្នុងរយៈពេល១៥ឆ្នាំចុងក្រោយ ជាមួយនឹងការដែលត្រូវបានអញ្ជើញទៅសម្តែងនៅ     ទីក្រុង Glasgow នាឱកាសអបអរ “European Capital of Culture” ។ នៅក្នុងកំឡុងពេលស្នាក់នៅរបស់ពួកគេ លោក Alan បានថតរូបគ្រប់ទិដ្ឋភាពនៃដំណើរទស្សនកិច្ចរបស់ក្រុមហ៊ុន រាប់ចាប់តាំងពីការសម្តែង រហូតដល់សិក្ខាសាលាសាធារណៈ។ ទាំងអស់នេះបាននាំឱ្យមានការតាំងពិព័រណ៍ដ៏ធំមួយគឺ  “ទិដ្ឋភាពនៃប្រទេសកម្ពុជា” ដែលបានប្រារព្ធឡើងជុំវិញប្រទេសស្កុតលែន។ រូបភាពខ្លះនៃពិព័រណ៍ ក្លាយជាផ្នែកមួយនៃកម្មវិធីសព្វថ្ងៃ។ Amanda Rogers ជាអ្នកសិក្សាជនជាតិអង់គ្លេសនៅសាកលវិទ្យាល័យ Swansea បានស្រាវជ្រាវយ៉ាងទូលំទូលាយនូវដំណើរទេសចរណ៍របស់អ្នករបាំទៅកាន់ទីក្រុង Glasgow ហើយបានសិក្សាទៅលើដំណើរនៃការអនុវត្តវប្បធម៌ និងនយោបាយរបស់វា។ ការងាររបស់នាងផ្តល់នូវទិដ្ឋភាពពីក្រោយនៃបរិបទមួយចំនួនសម្រាប់ការតាំងពិព័រណ៍នាពេលបច្ចុប្បន្ននេះ។

ពិព័រណ៍រូបថតនេះនឹងតាំងបង្ហាញជូនសាធារណជនទស្សនាចាប់ពីថ្ងៃទី៧ ខែធ្នូ ឆ្នាំ២០២៣ ដល់ថ្ងៃទី៧ ខែមករា ឆ្នាំ២០២៤ នៅទីតាំងមជ្ឈមណ្ឌលធនធានសោតទស្សន៍បុប្ផាណា។