ដំណេកមាស
ផលិតដោយ លោក ជូ ដាវី ឆ្នាំ២០១១ រយៈពេល៩៧នាទី ភាសាខ្មែរ មានអក្សរអង់គ្លេសរត់ពីក្រោម
ភាពយន្តខ្មែរចាប់កំណើតក្នុងឆ្នាំ១៩៦០ និងបានបញ្ចប់ទៅវិញក្នុងឆ្នាំ១៩៧៥ នៅពេលខ្មែរក្រហមកាន់អំណាច ។ រយៈពេល១៥ឆ្នាំនេះ ខ្មែរបានផលិតបានប្រមាណជិត៤០០រឿង ។ បច្ចុប្បន្ន ភាពយន្តទាំងនោះបានបាត់បង់អស់ នៅសល់ប្រមាណជា៣០រឿង តារាភាពយន្តត្រូវបានសម្លាប់ក្នុងសម័យក្រហម និងរោងភាពយន្តបានក្លាយទៅជាភោជនីយដ្ឋាន ឬខារ៉ាអូខេ ។ ភាពយន្តឯកសារនេះ បានស្រង់សំដីអ្នកដែលនៅរស់រានមានជីវិត និងចង់រំលឹកពីវិស័យភាពយន្តនាសម័យនោះឲ្យគេស្គាល់ឡើងវិញ ។ លោក ដាវី ឈូ អ្នកដឹកនាំនេះ ជាជនជាតិបារាំងដើមកំណើតខ្មែរ ។ លោកជាចៅប្រុសរបស់លោកវណ្ណ ចន្ទ ដែលជាអតីតចាងហ្វាងផលិតកម្មខ្មែរនាឆ្នាំ៦០ដ៏ធំមួយ ។
ថ្ងៃសៅរ៍ ទី២៧ ខែឧសភា ឆ្នាំ២០២៣ វេលាម៉ោង៥:០០ នៅមជ្ឈមណ្ឌលបុប្ផាណា។
