បណ្ណសារឌីជីថល និងសោភ័ណភាពកោសល្យវិច្ច័យនៅក្នុងសិល្បៈសហសម័យ
ដោយ Brianne Cohen
បាឋកថានេះ ពិនិត្យលើទម្រង់ថ្មីៗនៃការចងក្រងជាឯកសារឌីជីថលនៅក្នុងស្នាដៃសិល្បៈ សហសម័យ។ វាគ្មិន នឹងសិក្សាទៅលើ «សោភ័ណភាពកោសល្យវិច្ច័យ» ទាក់ទងទៅនឹង ស្នាដៃសិល្បៈចំនួនពីរគឺ៖ ខ្សែភាពយន្ត The Wave (២០១៣) របស់ Sarah Vanagt និង Katrien Vermiere និង ខ្សែភាពយន្ត The Vanishing Vanishing-Point (២០១៥) របស់ Effi & Amir។ នៅក្នុងខ្សែភាពយន្តទី១ សិល្បករជនជាតិប៊ែលហ្សិកទាំងពីររូប (អ្នកផលិត ខ្សែភាពយន្ត និងអ្នកថតរូប) បង្កើតរូបភាពមានចលនាពីរូបថតចំនួន ៣២០០០ សន្លឹក ដើម្បីកត់ត្រាពីការគាស់រណ្តៅផ្នូររបស់មនុស្សចំនួន ៩ នាក់ដែលត្រូវបានសម្លាប់ដោយ អ្នកដឹកនាំផ្តាច់ការ Franco បន្ទាប់ពីសង្រ្គាមស៊ីវិលអេស្បាញចប់ភា្លម។ ស្នាដៃជាលទ្ធផល គឺ រូបភាពដ៏រស់រវើក និងគួរឲ្យភ្ញាក់ផ្អើលនៃស្លាកស្នាមផ្នូរនោះ។ នៅក្នុងខ្សែភាពយន្តទី២ សិល្បករជនជាតិអ៊ីស្រាអែលរស់នៅទីក្រុងព្រុចសែលទាំងពីររូប ប្រើប្រាស់បច្ចេកទេស រូបភាពឌីជីថលដូចជា Google Earth និង Google Street View ដើម្បីកត់ត្រាការស្លាប់នៃ ដើមអូលីវមេឌីទែរ៉ាណេ ដែលត្រូវបានគាស់មកដាក់ដាំនៅក្នុងសង្កាត់សហភាពអឺរ៉ុបនៅ ព្រុចសែល និងដែលមិនអាចទ្រាំទ្រនឹងរដូវរងាដ៏ធ្ងន់ធ្ងរនៅទីនោះបាន។ ស្នាដៃសិល្បៈ ទាំងពីរនេះ ប្រើប្រាស់និងវិភាគបណ្ណសារឌីជីថល ដើម្បីបង្ហាញឲ្យឃើញនូវកំហុសរបស់រដ្ឋ ក្នុងការបង្កើតអំពើហឹង្សាយូរអង្វែងទៅលើសង្គមបរិស្ថាន។
បាឋកថា ធ្វើឡើងជាភាសាអង់គ្លេស និងប្រែសម្រួលជាភាសាខ្មែរ ។