បទបង្ហាញស្ដីពី «ការវិវត្ដនៃភាសា និងអក្សរខ្មែរពីសម័យមុនអង្គររហូតដល់បច្ចុប្បន្ន»
ដោយបណ្ឌិតជួរ គារី អនុប្រធានក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា
អក្សរខ្មែរមានការផ្លាស់ប្ដូរពីសម័យកាលទៅសម័យកាលមួយ។ តើអក្សររបស់ខ្មែរយើងមានការវិវត្តន៍យ៉ាងដូចម្ដេចខ្លះ? លោកបណ្ឌិតជួរ គារី ដែលជាប្រធានវិទ្យាស្ថានភាសាជាតិ និងជាអនុប្រធានក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា នឹងធ្វើការបង្ហាញពីការប្រែប្រួលនៃអក្សរខ្មែរតាំងពីសម័យមុនអង្គរ អង្គរ ក្រោយអង្គរ ចតុមុខ(សង្គមរាស្ត្រ កម្ពុជាប្រជាធិប្បតេយ្យ និងព្រះរាជាណាចក្រកម្ពុជា)។
លោកបណ្ឌិត ជួរ គារី បានទទួលបរិញ្ញាបត្រអក្សរសាស្ដ្រខ្មែរ នៅសាកលវិទ្យាល័យភូមិន្ទភ្នំពេញ ក្នុងឆ្នាំ ១៩៩៥។ ក្នុងឆ្នាំ២០០៣ លោកបានបញ្ចប់សញ្ញាបត្រជាន់ខ្ពស់ ផ្នែកគ្រប់គ្រងសាធារណៈ នៅរាជបណ្ឌិត្យសភាកម្ពុជា។ ឆ្នាំ២០១១ លោកបានបញ្ចប់សញ្ញាបត្របណ្ឌិតផ្នែកភាសាវិទ្យា(ន័យភាសា) រាជបណ្ឌិត្យសភាកម្ពុជា។ បច្ចុប្បន្ន លោកគឺជាអនុប្រធានក្រុមប្រឹក្សាជាតិភាសាខ្មែរ និងជាប្រធានវិទ្យាស្ថានភាសាជាតិនៃរាជបណ្ឌិត្យសភា។ លោកបានចូលរួមក្នុងការចងក្រងស្នាដៃជាច្រើនរបស់រាជបណ្ឌិត្យសភា ដូចជាវចនាក្រមអក្ខរាវិរុទ្ធនៃភាសាខ្មែរ អត្ថបទស្រាវជ្រាវចុះផ្សាយក្នុងទស្សនាវដ្ដីរបស់រាជបណ្ឌិត្យសភា បច្ចេកស័ព្ទត្បូង បច្ចេកស័ព្ទរទេះ និងបច្ចេកស័ព្ទតម្បាញជាដើម។
សូមស្វាគមន៍ និងចូលរួមដោយសេរី!
