បុប្ផាណា រឿងសោកនាដកម្មនៃស្រ្តីខ្មែរម្នាក់
ដឹកនាំដោយ ប៉ាន់ រិទ្ធី ៥៩នាទី ឆ្នាំ ១៩៩៦ ភាសាខ្មែរ និងមានអក្សរអង់គ្លេសរត់ពីក្រោម
បុប្ផាណា និងប្តី ឈ្មោះលី ស៊ីថា គឺជាជនរងគ្រោះក្នុងសម័យខ្មែរក្រហម។ ភាពយន្តឯកសារនេះ បង្ហាញពីរបបផ្តាច់ការនៃសម័យកម្ពុជាប្រជាធិបតេយ្យក្នុងចន្លោះឆ្នាំ១៩៧៥ ដល់ឆ្នាំ១៩៧៩។ គូស្វាមីវ័យក្មេងមួយគូនេះបានរស់នៅក្នុងសុបិនដ៏អាក្រក់មួយ។ ពួកគេត្រូវបានខ្មែរក្រហមចាប់ខ្លួន ធ្វើទារុណកម្ម បង្ខំឲ្យសារភាព ហើយត្រូវគេកម្ទេចក្នុងឆ្នាំ៧៦។ សំបុត្រ និងភស្តុតាងជាច្រើនអាចបង្ហាញពីប្រវត្តិពិតរបស់ពួកគេ រីឯរូបភាពឯកសារជាច្រើនបង្ហាញប្រាប់យើងឲ្យដឹងអំពីការពិតរបស់កម្ពុជានាសម័យនោះ។