នៅថ្ងៃទី ១៧ ខែមករា ឆ្នាំ២០២៤ ខាងមុខនេះ មជ្ឈមណ្ឌលបុប្ផាណានឹងរៀបចំកម្មវិធីបាឋកថាមួយស្ដីអំពី ផ្ទះឈើខ្មែរ ដែលនឹងមានការចូលរួមធ្វើបទបង្ហាញដោយស្ថាបត្យករឯករាជលោក ហុក សុកុល។ លោក ហុក សុកុល គឺជាស្ថាបត្យករមួយរូបដែលមានបទពិសោធច្រើនលើគម្រោងស្រាវជ្រាវជាច្រើនអំពីសំណង់សាសនាបុររាណសង់អំពីឈើ និងជាស្ថាបត្យករទទួលបន្ទុកលើកិច្ចការជួសជុលកែលម្អផ្ទះឈើបុរាណខ្មែរ។ មជ្ឈមណ្ឌលបុប្ផាណាស្វាគមន៍រាល់ការអញ្ជើញចូលរួមរបស់សាធារណមកកាន់កម្មវិធីនេះឱ្យបានច្រើនកុះករ ជាពិសេសអ្នកស្រលាញ់វិស័យស្ថាបត្យកម្ម។

កម្មវិធីនេះនឹងធ្វើឡើងជាភាសាខ្មែរ។
កាលបរិច្ឆេទ៖ ថ្ងៃទី ១៧ ខែមករា ឆ្នាំ២០២៤ វេលាម៉ោង៦ល្ងាច
នៅទីតាំង៖ មជ្ឈមណ្ឌលបុប្ផាណា