លាហើយអាស៊ី
ដឹកនាំដោយ ប៊្រុយណូ ការ៉ែត (Carette, Bruno) ឆ្នាំ១៩៩៧ រយៈពេល៥២នាទី ភាសាបារាំង
លោកប្រ៊ុយណូ ការ៉ែត (Bruno CARETTE) តាមដានរបាំ “លាហើយអាស៊ី” ដែលជាទិដ្ឋភាពរបាំពេលដែលលោកហ្រ្វង់ស័រ រ៉ាហ្វីណូ (François Raffinot) បានសម្តែងក្នុងបណ្តាប្រទេសនៅទ្វីបអាស៊ី (ទីក្រុងហ្សាកាតា ភ្នំពេញ ហាណូយ ឈូងអាល់ឡុង សៀងហៃ និងខេត្តកង់តុង)។ ចំពោះការសម្តែងរបាំ “លាហើយអាស៊ី” លោកហ្រ្វង់ស័រ រ៉ាហ្វីណូ ចង់ឧទ្ទិសជួនដល់លោក ដូមីនីក បាហ្គូអេ (Dominique Bagouet) និងនាដការីដែលបានបាត់ខ្លួន។ ថ្ងៃ៩ កក្កដា ១៩៩៤ ទស្សនីយភាពនេះបានសម្ដែងនៅក្នុងមហោស្រព Avignon ហើយបាននាំមកនូវជ័យជំនះដ៏ធំធេង។ ការសម្ដែងរបាំនៅអាស៊ីនេះ គឺជាឱកាសនៃជំនួប និងបំលាស់ប្ដូរបទពិសោធន៍រវាងទ្វីបអាស៊ី និងបស្ចឹមប្រទេស។
ថ្ងៃសៅរ៍ ទី២១ ខែមករា ឆ្នាំ២០២៣ វេលាម៉ោង៥ល្ងាច នៅមជ្ឈមណ្ឌលបុប្ផាណា