វាលប្រេង
បដិវត្តន៍វប្បធម៌ថតដោយ ចូរីស អ៊ីវែន និង ម៉ាស៊ែលលីន ឡូរីដានអ៊ីវែន រយៈពេល ៨៧នាទី ភាសាអង់គ្លេស។ រឿងនេះបានថតនៅទីកន្លែងពោរពេញទៅដោយប្រេង ដែលបានក្លាយជាទីស័ក្ដិសមបំផុត សម្រាប់ឧស្សាហកម្ម និងកសិកម្ម។
ភាពយន្តនេះជាផ្នែកមួយនៃស៊េរីភាពយន្តស្ដីអំពីថ្ងៃចុងក្រោយនៃបដិវត្តន៍វប្បធម៌ចិន ដែលមានចំណងជើងថា«តើយូកុងចល័តភ្នំយ៉ាងដូចម្ដេច?»។ ភាពយន្តជាស៊េរីនេះ ត្រូវបានថតនៅចន្លោះឆ្នាំ១៩៧២ និង១៩៧៣ ដោយចូរីស អ៊ីវែន និងម៉ាស៊ែលលីន ឡូរីដានអ៊ីវែន។ ភាពយន្តជាស៊េរីនេះមានរយៈពេលសរុប ១២ម៉ោង ប៉ុន្តែបុប្ផាណានឹងនាំមកបង្ហាញភាគសំខាន់ៗមួយចំនួន នៅក្នុងខែកុម្ភៈនេះ។ នេះគឺជាកម្រងខ្សែភាពយន្តដ៏កម្របំផុត និងទទួលបានជោគជ័យបំផុតនៅឆ្នាំ១៩៧៦។ វាគឺជាសក្ខីកម្មតែមួយគត់ អំពីប្រទេសចិនរបស់ម៉ៅ សេទុង។
ទស្សនាដោយសេរី!