សន្ធិប្រកាស
ដឹកនាំដោយសម្ដេចព្រះនរោត្តម សីហនុ ៦៩នាទី ១៩៦៩ ភាសាខ្មែរ និងមានអក្សរអង់គ្លេសពីក្រោម
តាមរយៈខ្សែភាពយន្តនេះអ្នកនឹងអាចទទួលបាននូវការទស្សនាទិដ្ឋភាព នៅក្នុងក្រុង និងបណ្តាខេត្តផ្សេងៗទៀត រួមទាំងទីតាំងដ៏ស្រស់ស្អាតបំផុតនៅកម្ពុជា គឺទីក្រុងកែបផងដែរ។ នៅក្នុងទិដ្ឋភាពដ៏ស្រស់ស្អាតទាំងនេះ រឿងរ៉ាវស្នេហាមួយបានកើតឡើងរវាងព្រះអង្គម្ចាស់ខ្មែរ (សម្ដែងដោយសម្តេចនរោត្តម សីហនុ) និងព្រះនាងឥណ្ឌា ក្នុងដំណើរទស្សនកិច្ចផ្លូវការមកកាន់ប្រទេសកម្ពុជានៅថ្ងៃឯករាជ្យជាតិ។
នេះជាផ្នែកមួយនៃកម្មវិធីបញ្ចាំងខ្សែភាពយន្តសម្រាប់ពិព័រណ៍ «ទីក្រុងកែប ភាពយន្ត និងរូបថតអនុស្សាវរីយ៍» សហការរៀបចំដោយមជ្ឈមណ្ឌលបុប្ផាណា និងសមាគម Vimana ។