សិប្បកម្ម និងជំនាញប្រពៃណី
ផលិតដោយមជ្ឈមណ្ឌលបុប្ផាណា ឆ្នាំ២០២០ រយៈពេល៧៦នាទី មានអក្សរអង់គ្លេសរត់ពីក្រោម
ខ្សែភាពយន្តឯកសារទាំងនេះគឺជាស្នាដៃរបស់សិក្ខាកាមជនជាតិដើមភាគតិចដែលបានសិក្សាជំនាញភាពយន្តឯកសារនៅមជ្ឈមណ្ឌលបុប្ផាណា ក្រោមគម្រោង «ការកសាងសមត្ថភាពយុវជនជនជាតិដើមភាគតិចនិងបង្កើតបណ្ណសារសោតទស្សន៍ជនជាតិដើមភាគតិចនៅកម្ពុជា តាមរយៈវីគីមីឌៀ»។
ខ្សែភាពយន្តទាំងនេះពណ៌នាអំពីជីវិតប្រចាំថ្ងៃ ដោយបង្ហាញពីអត្តសញ្ញាណ ប្រពៃណី និងទំនាក់ទំនងយ៉ាងជ្រាលជ្រៅជាមួយធម្មជាតិដែលរក្សាសហគមន៍ជនជាតិដើមភាគតិច។
ថ្ងៃសៅរ៍ ទី១១ ខែមេសា ឆ្នាំ២០២៦ វេលាម៉ោង៥ល្ងាច នៅមជ្ឈមណ្ឌលបុប្ផាណា។
