ស្វែងយល់ពីកុនខ្លីរបស់ចតុមុខ
បញ្ជាំងនូវភាពយន្តខ្លីរឿង «ដុំក្រួសមួយក្តាប់» ដឹកនាំដោយ ចាប សោមច័ន្ទរិទ្ធ ឆ្នាំ ២០១៤ រយៈពេល ៧នាទី ភាសាខ្មែរ និងមានអក្សរអង់គ្លេសរត់ពីក្រោម និងរឿង «រស់ឡើងវិញ» ដឹកនាំដោយ ប៉ោយ ឈុនលី ឆ្នាំ ២០១៤ រយៈពេល ៣នាទី គ្មានកិច្ចសន្ទនា។ នឹងមានសំណួរចម្លើយជាមួយសមិទ្ធិករភាពយន្ត។
ភាពយន្តនារាត្រីថ្ងៃព្រហស្បតិ៍ ៖ «ស្វែងយល់ពីកុនខ្លីរបស់ចតុមុខ» ជាផ្នែកមួយនៃមហោស្រពភាពយន្តខ្លីចតុមុខឆ្នាំ២០១៦។ កម្មវិធីនេះនឹងបង្ហាញនូវភាពយន្តខ្លីគួរឲ្យកត់សម្គាល់ ២រឿងដែលត្រូវបានជ្រើសរើសនៅក្នុងមហោស្រពឆ្នាំមុនគឺរឿង «ដុំក្រួសមួយក្តាប់» និងរឿង«រស់ឡើងវិញ» ។ លោកអ្នកអាចសួរសំណួរស៊ីជម្រៅទៅកាន់សមិទ្ធិករភាពយន្តដែលយើងអញ្ជើញមក ហើយអាចស្វែងយល់ពីឱកាសក្នុងការដាក់រឿងរបស់ខ្លួនចូលប្រកួតក្នុងមហោស្រពឆ្នាំនេះ។ យើងខ្ញុំក៏សូមស្វាគមន៍ដល់លោកអ្នកដែលស្រឡាញ់ភាពយន្ត និងជាប្រិយមិត្តប្រចាំរបស់មជ្ឈមណ្ឌលបុប្ផាណាក្នុងកម្មវិធីនេះផងដែរ!
