កម្មវិធីនេះប្រមូលផ្តុំនូវខ្សែវីដេអូបណ្ណសារដ៏កម្រ និងភាពយន្តឯកសារនានាអំពីអង្គរ ដើម្បីរំលេចឱ្យឃើញពីប្រវត្តិសាស្ត្រ សារៈសំខាន់ផ្នែកវប្បធម៌ និងការអភិរក្សតំបន់នេះ។
តាមរយៈការនាំមកជូននូវខ្សែភាពយន្តពីស្ថាប័ននានា ដូចជា ស្ថាប័ន ECPAD, បណ្ណាល័យសភាអាមេរិក (Library of Congress), សារមន្ទីរប្រវត្តិសាស្ត្រធម្មជាតិអាមេរិក (American Museum of Natural History), សារមន្ទីរ អាល់ប៊ែរ កាន (Albert Kahn Museum), ក្រុមហ៊ុន Trend Films និងវិទ្យាស្ថាន INA កម្មវិធីនេះនឹងស្វែងយល់អំពីកិច្ចខិតខំប្រឹងប្រែងក្នុងការជួសជុល ការបកស្រាយតាមទស្សនៈសិល្បៈ និងជីវិតរស់នៅប្រចាំថ្ងៃនៅជុំវិញប្រាសាទ។
ជារួម ស្នាដៃទាំងនេះបង្ហាញពីតំបន់អង្គរ ក្នុងនាមជាបូជនីយដ្ឋានប្រវត្តិសាស្ត្រផង និងជាបេតិកភណ្ឌរស់ផង ដែលជាទីកន្លែងដែលការចងចាំ ជំនឿសាសនា និងការអភិរក្ស បន្តជួបប្រសព្វគ្នាជានិច្ច។

ថ្ងៃសៅរ៍ ទី៦ ខែមិថុនា ឆ្នាំ២០២៦ វេលាម៉ោង៥ល្ងាច នៅមជ្ឈមណ្ឌលបុប្ផាណា។