កិច្ចពិភាក្សាស្តីពីការបន្លឺសំឡេងរបស់ស្ត្រី / ក្មេងស្រីជនជាតិដើមភាគតិច និងក្រុមដែលគេរើសអើង – Online
រៀបចំដោយមជ្ឈមណ្ឌលបុប្ផាណា
គម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី” នៃមជ្ឈមណ្ឌលបុប្ផាណា នឹងរៀបចំនូវការបញ្ចាំងភាពយន្តឯកសារ និងកិច្ចពិភាក្សាពិសេសមួយតាមប្រព័ន្ធអនឡាញ ស្តីពីបញ្ហាដែលស្ត្រីនិងក្មេងស្រីជនជាតិដើមភាគតិចកំពុងតែជួបប្រទះ នៅថ្ងៃទី២៩ ខែធ្នូ ឆ្នាំ២០២០ ខាងមុខនេះ ចាប់ពីម៉ោង ៩ ព្រឹកតទៅ។
គោលបំណងនៃកិច្ចពិភាក្សាតាមប្រព័ន្ធអនឡាញនេះ គឺដើម្បីទទួលយកនូវមតិយោបល់ពីម្ចាស់ជំនួយ អ្នកជំនាញ អង្គការ អាជ្ញាធរ និងភាគីពាក់ព័ន្ធ ដើម្បីធ្វើឱ្យសំឡេងរបស់ស្ត្រី/ក្មេងស្រីជនជាតិដើមភាគតិច និងក្រុមដែលគេរើសអើង បានដឹងនិងឮដល់ភាគីពាក់ព័ន្ធនិងអ្នកសម្រេចចិត្តផ្នែកគោលនយោបាយ។
យើងនឹងផ្សាយផ្ទាល់កម្មវិធីនេះនៅលើទំព័រ Facebook របស់មជ្ឈមណ្ឌលបុប្ផាណា និងទំព័រ Facebook របស់គម្រោង (Amplifying Voices of Indigenous Women and Discriminated Groups) ដូច្នេះសាធារណជនគ្រប់រូបអាចចូលរួមបាន។ ភាពយន្តឯកសារទាំងអស់មានអក្សរខ្មែររត់ពីក្រោម ហើយកិច្ចពិភាក្សានឹងធ្វើឡើងជាភាសាខ្មែរ។
គម្រោងនេះអនុវត្តដោយមជ្ឈមណ្ឌលបុប្ផាណា ទទួលបានការឧបត្ថម្ភពី Voice តាមរយៈអង្គការអុកស្វាមកម្ពុជា ស្ថានទូតអូស្ត្រាលីប្រចាំនៅកម្ពុជា មូលនិធិ Heinrich Böll មូលនិធិ Ford និងវិទ្យាស្ថាន Sundance ដោយមានការចូលរួមសហការពី Cambodia Film Commission (CFC)។