បន្ទាប់ពីបានរៀនជំនាញផលិតភាពយន្តឯកសារអស់រយៈពេលមួយឆ្នាំពេញ សិក្ខាកាមទាំង ១២ រូបនៃគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង” បានផលិតភាពយន្តឯកសារចំនួនពីរលើករួចមកហើយ ដែលភាពយន្តឯកសារទី ១ ត្រូវបានចាក់បញ្ចាំងជាសាធារណៈទាំងនៅក្នុង និងក្រៅប្រទេស។

ចំពោះភាពយន្តឯកសារទីពីរ ក្រោយពីបានសិក្សាស្រាវជ្រាវស៊ីជម្រៅអំពីបញ្ហាដែលបានកើតឡើងនៅក្នុងសហគមន៍ជនជាតិភាគតិចរបស់សិក្ខាកាមផ្ទាល់ដែលស្ថិតនៅក្នុងខេត្តមណ្ឌលគិរី រតនគិរី និងបន្ទាយមានជ័យ ពួកគេបានសម្រេចលើកយកបញ្ហាទាំងអស់នោះមករំលេចនៅក្នុងខ្សែភាពយន្ត។

បញ្ហាជាច្រើនរបស់ស្ត្រីជនជាតិដើមភាគតិច និងក្រុមដែលរងការរើសអើង ដូចជាអំពើហិង្សាផ្អែកលើយេនឌ័រ ការអប់រំ សុខភាព និងបញ្ហាសង្គមជាច្រើនទៀត នឹងត្រូវបានលាតត្រដាងតាមរយៈភាពយន្តឯកសារទីពីររបស់ពួកគេ។

សូមចូលរួមទស្សនា និងរួមគ្នាស្វែងរកដំណោះស្រាយដើម្បីជួយដល់ពួកគេ! វានឹងគ្មានផលអ្វីដល់ក្រុមពួកយើងឡើយ បើគ្មានការចូលរួមពីពួកយើង!

គម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង” អនុវត្តដោយមជ្ឈមណ្ឌលបុប្ផាណា ទទួលបានការឧបត្ថម្ភពី Voice តាមរយៈអង្គការអុកស្វាមកម្ពុជា ស្ថានទូតអូស្ត្រាលីប្រចាំនៅកម្ពុជា និងមូលនិធិ Heinrich Böll និងមានការចូលរួមសហការពីវិទ្យាស្ថាន Sundance និង Cambodia Film Commission (CFC)។

ទស្សនាដោយសេរី, កន្លែងមានកំណត់