កងចល័តក្នុងរបបខែ្មរក្រហម
មជ្ឈមណ្ឌលបុប្ផាណាមានសេក្តីសោមនស្ស រីករាយចាប់ផ្ដើម កម្មវិធីដំបូងជាមួយលោកសាស្ត្រាចារ្យវង់សុធារ៉ាប្រធានដេប៉ាតឺម៉ង់ ប្រវត្តិវិទ្យានៃសាកលវិទ្យាល័យភូមិន្ទភ្នំពេញ មកធ្វើបទបង្ហាញស្តីពី «កងចល័តក្នុងរបបខែ្មរក្រហម»ដោយផ្អែកលើបទពិសោធន៍ផ្ទាល់
១៧មេសា ១៩៧៥ ជាថ្ងៃ ដួលរលំនៃទីក្រុងភ្នំពេញ និងជាថ្ងៃដែលពួកខ្មែរក្រហមចូលកាន់អំណាច។ ខ្មែរក្រហមបានបង្កនូវ ទុក្ខវេទនាការសម្លាប់រង្គាល និងបំផ្លាញសម្បត្តិបេតិកភណ្ឌកម្ពុជាស្ទើរគ្មានសល់។ ក្នុងឆ្នាំ២០១៥នេះ ដើម្បីរម្លឹកដល់ព្រឹត្តិការណ៍ កាលពីឆ្នាំ៤០មុននោះ មជ្ឈមណ្ឌលបុប្ផាណានឹងរៀបចំព្រឹត្តិការណ៍ជាច្រើន ដើម្បីផ្ទេរ និងចែករំលែកការចងចាំ និងប្រវត្តិសាស្ត្រដ៏ខ្មៅងងឹត នៃរបបខ្មែរក្រហមនេះ ដល់យុវជនជំនាន់ក្រោយ។
ក្នុងសម័យខ្មែរក្រហមប្រជាជនគ្រប់រូប ត្រូវបានគេចាត់តាំងឲ្យបំពេញការងារ។ កុមារត្រូវធ្វើការស្រាលល្មម ខណៈដែលមនុស្សចាស់ៗ ត្រូវបានគេប្រើឲ្យមើលថែក្មេងតូចៗ មើលសត្វពាហនៈ និងត្បាញល្អី បង្គី កញ្ជើ ជាដើម។ ចំនែកឯយុវជនក្នុងកងចល័ត ត្រូវបានគេចាត់តាំងឲ្យធ្វើការងារធ្ងន់ៗបំផុតដូចជា ជីកប្រឡាយ អាងទឹក លើកទំនប់ កាប់ឈើ រានព្រៃយកដីធ្វើកសិកម្មជាដើម។ កងចល័ត ត្រូវបានគេបញ្ជូនពីកន្លែងមួយទៅកន្លែងមួយទៀត ដើម្បីបំពេញ ការងារធ្ងន់ៗ ដែលចាត់តាំងដោយអង្គការរបស់ខ្មែរក្រហម។
បទបង្ហាញជាភាសាខ្មែរ
សូមរង់ចាំតាមដានកម្មវិធីយើងជាបន្ត…
ទស្សនាដោយសេរី !
សូមស្វាគមន៍ទាំងអស់គ្នា !
