The Roots Remain
ដឹកនាំដោយ ជេន និងអេនដ្រូ ឆ្នាំ២០១៥ រយះពេល៧៣នាទី ភាសាអង់គ្លេស
ការបញ្ចាំងភាពយន្តពិសេស ដោយសហការជាមួយអង្គការអុកស្វាមកម្ពុជា ក្នុងក្របខ័ណ្ឌនៃគម្រោង #juiknia #hopereturns #standasone។
ជាមួយនឹងការរំលឹកដល់វិញ្ញាណក្ខន្ធដូនតា ដែលបានចែកឋានទៅ សិល្បករគំនូរនៅលើជញ្ជាំងពីទីក្រុង Montreal លោក FONKi បានត្រឡប់មកទីក្រុងភ្នំពេញ ដើម្បីគូររូបក្រុមគ្រួសាររបស់លោក ដែលបានស្លាប់ក្នុងរបបប្រល័យពូជសាសន៍។ ដោយលោកនៅតែមិនដាច់អាល័យ ពីការស្លាប់របស់ជីតាលោក ទើបលោក FONKi បាននាំទស្សនិកជន ឆ្លងកាត់ដំណើរនៅប្រទេសកម្ពុជានាពេលបច្ចុប្បន្ន ដោយលោកប្រឈមមុខនឹងប្រវត្តិជូរចត់របស់គ្រួសារលោក ក៏ដូចជាជួបអ្នកដែលមានឥទ្ធិពលនៅក្នុងសកម្មភាពយុទ្ធនាការនេះ ហើយក៏ស្វែងរកខ្លួនឯងផងដែរ។
នៅខែមេសានេះ @OxfaminCambodia បានដឹកនាំយុទ្ធនាការនេះ ដោយសំណូមពរទៅដល់ថ្នាក់ដឹកនាំ នៅទូទាំងពិភពលោក សូមឲ្យបើកទ្វារបេះដូង និងដើម្បីស្វាគមន៍ជនភៀសខ្លួន តាមរយៈការបង្ហាញពីសាច់រឿង ដែលពោរពេញទៅដោយក្តីសង្ឃឹមរបស់ជនភៀសខ្លួនខ្មែរ ដែលត្រូវបានស្វាគមន៍ដោយពិភពលោកកាលពី៤០ឆ្នាំមុន នៅក្នុងខណៈគ្រាមានអាសន្នប្រហាក់ប្រហែលគ្នានេះដែរ។
លោកអ្នកអាចចុះហត្ថលេខាទៅលើសំបុត្រនៅទីនេះ៖
https://cambodia.oxfam.org/juiknia
ទស្សនាដោយសេរី