Vertigo
ដឹកនាំដោយ លោកអាល់ហ្វ្រេដ ហ៊ីតកុក ១២៨នាទី ១៩៥៨ ភាសាអង់គ្លេស
អតីតប៉ូលិសចន ស្កុតទី គឺជាអ្នកស៊ើបឯកជនម្នាក់ នៅទីក្រុងសាន់ហ្វ្រាន់ស៊ីស្កូ។ គាត់កើតជំងឺខ្លាចទីខ្ពស់ បន្ទាប់ពីការស្លាប់របស់មិត្តរួមការងារ ដែលធ្លាក់ស្លាប់ខ្ពាបលើដី។ ការវិលមុខបានបង្ខំឲ្យគាត់ឈប់ពីការងារ។ ប៉ុន្តែមិត្តភក្តិចាស់ម្នាក់ សុំឲ្យគាត់តាមមើលប្រពន្ធរបស់ខ្លួន គឺម៉ាដឺឡែន ដោយប្រាប់ថានាងដូចជា ត្រូវខ្មោចសណ្ឋិត ហើយព្យាយាមសម្លាប់ខ្លួនឯង។ ស្កុតទី ចាប់ចិត្តស្រឡាញ់ ម៉ាដឺឡែន មួយរំពេច។ គាត់បានជួយជីវិតនាងពីការលង់ទឹក តែមិនអាចជួយនាងកុំឲ្យធ្លាក់ពីកន្លែងខ្ពស់បានឡើយ ដោយសារតែជំងឺវិលមុខខ្លាចខ្ពស់របស់គាត់។ គាត់ធ្លាក់ក្នុងភាពអស់សង្ឃឹម ព្រោះមិនអាចជួយនាងបាន រហូតដល់ថ្ងៃមួយ គាត់បានជួប ជូឌី បាតុន ជាបុគ្គលិកសណ្ឋាគារម្នាក់ មុខមាត់ដូចម៉ាដឺឡែនបេះដាក់។
