មជ្ឈមណ្ឌលបុប្ផាណា សហការជាមួយក្រុមភាពយន្តឈូករ័ត្ន នឹងរៀបចំការបញ្ចាំង Online ពិសេសនូវភាពយន្តខ្នាតខ្លីកំពូលទាំង ៥ ដែលបានជាប់ជម្រើសកាលពីមហោស្រពភាពយន្តខ្នាតខ្លីចតុមុខ ២០១៩ ដូចជា ៖

– រឿង “អ្នកលាបថ្នាំ” ដឹកនាំដោយលោក ស៊ិន ចន្ថា
– រឿង “ផ្ទះបាយ” ដឹកនាំដោយលោក ឯក សាម៉ឺឌី
– រឿង “ខ្សែទ្រ” ដឹកនាំដោយលោក វង្ស បញ្ញាវ័ន្ត
– រឿង “ព្រោះបងស្រលាញ់អូនជាង” ដឹកនាំដោយកញ្ញា ចាន់ ស៊ីណេត
– រឿង “អ្នករបាំ” ដឹកនាំដោយលោក សេង ធី

កិច្ចពិភាក្សាតាមរយៈ Online នឹងចាប់ផ្ដើមក្រោយការបញ្ចាំងភាពយន្តចប់ ហើយទស្សនិកជនអាចរីករាយសួរសំណួរទៅកាន់សមិទ្ធករភាពយន្តរបស់យើងបានក្នុងអំឡុងកិច្ចពិភាក្សានេះ។

កម្មវិធីនេះនឹងផ្សាយផ្ទាល់នៅលើទំព័រ Facebook របស់មជ្ឈមណ្ឌលបុប្ផាណា នៅថ្ងៃសុក្រ ទី ១៥ ខែឧសភា ឆ្នាំ ២០២០ ចាប់ពីម៉ោង ៥ ល្ងាចតទៅ។ លោកអ្នកអាចរីករាយទស្សនាពីគ្រប់ទីកន្លែង​ ឬគេហដ្ឋានរបស់លោកអ្នក។