បុប្ផាជាក្មេងស្រីម្នាក់ដែលរស់នៅក្នុងភូមិកាចូនក្រោម ខេត្តរតនគិរី។ កាលនាងនៅរៀន នាងមានក្តីស្រមៃចង់ក្លាយជាគ្រូបង្រៀន ប៉ុន្តែអ្វីៗបានប្រែប្រួល ក្រោយមកឪពុករបស់នាងបានធ្លាក់ខ្លួនឈឺរហូតដល់ស្លាប់។ បុប្ផាក៏បានសម្រេចចិត្តបោះបង់ការសិក្សាដោយសារនាងត្រូវជួយម្តាយធ្វើស្រែផង។ ថ្ងៃមួយបុប្ផាក៏បានចូលរៀនជំនាញកាត់ដេរ រហូតដល់ចប់នាងក៏បានបើកតូបខ្លួន។ នាងអាចរកលុយខ្លះៗទុកសន្សំសម្រាប់ជួយម្តាយនឹងប្អូនៗរបស់នាងអោយរៀនចប់និងសម្រេចបំណងកុំអោយដូចនាង។